ចិន ៖ ប្រទេសចិនកំពុងខិតខំអភិវឌ្ឍ បច្ចេកវិទ្យាទំនាក់ទំនងឡាស៊ែរ ដែលជាធាតុផ្សំដ៏សំខាន់ នៅក្នុងបណ្តាញព័ត៌មាន ដែលមានមូលដ្ឋានលើលំហ ខណៈការអភិវឌ្ឍន៍នាពេលថ្មីៗនេះ ប្រទេសនេះបានបញ្ជូនស្ថានីយ ទំនាក់ទំនងឡាស៊ែរ ២ ផ្លូវដំបូងរបស់ខ្លួន ទៅកាន់លំហ អាកាសសម្រាប់គោលបំណង បង្ហាញបច្ចេកវិទ្យា ។
វាបង្កើតឡើងដោយក្រុមហ៊ុន HiStarlink ជាក្រុមហ៊ុនទំនាក់ទំនងឡាស៊ែរឯកជនមានមូលដ្ឋាននៅទីក្រុង Shenzhen ខេត្ត Guangdong ស្ថានីយពិសោធន៍នេះត្រូវបានអនុវត្តដោយ Xingshidai 20 ដែលជាផ្កាយរណបដែលត្រូវបានសាងសង់រួមគ្នាដោយ HiStarlink និង AdaSpace ជាអ្នកបង្កើតផ្កាយរណបនៅ Chengdu ខេត្ត Sichuan ។
Xingshidai 20 គឺជាផ្កាយរណបមួយក្នុងចំណោមផ្កាយរណបចំនួន ៩ បាញ់បង្ហោះដោយរ៉ុក្កែតនាវា Smart Dragon 3 កាលពីព្រឹកថ្ងៃសៅរ៍ នៅឯឆ្នេរសមុទ្រ Yangjiang ក្នុងខេត្ត Guangdong ។ គ្រាប់រ៉ុក្កែតនេះបានផ្ទុះនៅម៉ោង ១១:០៧ ព្រឹក ពីកប៉ាល់សេវាកម្មបាញ់បង្ហោះ ហើយភ្លាមៗនោះ បានដាក់ពង្រាយផ្កាយរណបចូលទៅក្នុងទីតាំងគន្លងដែលបានកំណត់ទុកជាមុន។
ជាមួយនឹងល្បឿនបញ្ជូនអតិបរមា 10 gigabits ក្នុងមួយវិនាទី ឧបករណ៍ឡាស៊ែរមានភារកិច្ច ក្នុងការផ្ទៀងផ្ទាត់បច្ចេកវិទ្យាសំខាន់ៗ ជាច្រើនសម្រាប់ការទំនាក់ទំនងឡាស៊ែរ ដោយអ្នករចនា របស់វាបានពន្យល់ថា ការទំនាក់ទំនងឡាស៊ែរ ត្រូវបានកំណត់លក្ខណៈដោយសមត្ថភាពបញ្ជូន ដ៏ធំរបស់វា ចម្ងាយឆ្ងាយ និងកម្រិតខ្ពស់នៃសុវត្ថិភាព ។
លោក Tan Jun ស្ថាបនិក និង ជានាយកប្រតិបត្តិនៃ HiStarlink បាននិយាយថា ការប្រាស្រ័យទាក់ទងគ្នាដោយឡាស៊ែរ គឺជាធាតុផ្សំមិនអាចជំនួស បាននៅក្នុងបណ្តាញព័ត៌មានដែលមានមូលដ្ឋានលើលំហ ។ ជាមួយនឹងបច្ចេកវិទ្យារបស់យើង យើងអាចធ្វើអោយល្បឿន បញ្ជូនរបស់ស្ថានីយមានល្បឿន លឿនដល់ទៅ 100 gigabits ក្នុងមួយវិនាទី ប៉ុន្តែយើង បានសម្រេចចិត្តធ្វើឲ្យវា 10 gigabits ក្នុងមួយវិនាទី ដោយសារតែល្បឿននោះគឺ គ្រប់គ្រាន់សម្រាប់អ្នកប្រើប្រាស់ ក្នុងស្ថានភាពភាគច្រើន ហើយមកក្នុងតម្លៃទាបជាងច្រើន ។
លោកបាននិយាយកាលពីថ្ងៃសុក្រថា ក្នុងពេលអនាគតដ៏ខ្លី ស្ថានីយទំនាក់ទំនងឡាស៊ែរ នឹងក្លាយទៅជាសសរស្តម្ភនៃបណ្តាញផ្កាយរណប អ៊ីនធើណេតក្នុងគន្លងទាប។ បេសកកម្មកាលពីថ្ងៃសៅរ៍ គឺជាការបាញ់បង្ហោះយានអវកាសលើកទី ៣ ធ្វើឡើងពីសមុទ្រចិនខាងត្បូង ។ វាក៏ជាលើកដំបូង ដែលយាន Smart Dragon 3 បាញ់បង្ហោះផ្កាយរណបបរទេស ជាផ្កាយរណបមួយក្នុង ចំណោមផ្កាយរណបទាំងប្រាំបួន NExSat-1 គឺជាយានពិសោធន៍ ដែលបង្កើតឡើងដោយអាជ្ញាធរជាតិ អេហ្ស៊ីបសម្រាប់ការយល់ដឹង ពីចម្ងាយ និងវិទ្យាសាស្ត្រអវកាស និងបច្ចេកវិទ្យាអវកាស Berlin របស់ប្រទេសអាល្លឺម៉ង់ ។
Smart Dragon 3 គឺជាគំរូរ៉ុក្កែត ដែលមានកម្លាំងរុញច្រាន។ ប្រភេទនេះមានកម្ពស់ ៣១ ម៉ែត្រ មានអង្កត់ផ្ចិត ២.៦៥ ម៉ែត្រ និងអាចផ្ទុកទម្ងន់បាន ១៤០ តោន ហើយវាត្រូវបានជំរុញជាចម្បង ដោយម៉ាស៊ីនរឹងផ្ទុកកម្លាំងបាន ៧១ តោន ដែលបង្កើតកម្លាំងបាន ២០០ តោន ៕
ដោយ៖លី ភីលីព
