អមេរិក ៖ នាយកប្រតិបត្តិ ក្រុមហ៊ុន SpaceX លោក Elon Musk បានបដិសេធការផ្គត់ផ្គង់បណ្តាញអ៊ីនធើណេតផ្កាយរណប Starlink របស់លោកដល់ កងទ័ពប្រទេសរុស្ស៊ី ខណៈសេវាកម្មនេះ ត្រូវបានប្រើប្រាស់យ៉ាងទូលំទូលាយ ដោយកងទ័ពអ៊ុយក្រែន ក្នុងអំឡុងពេលប្រយុទ្ធជាមួយរុស្ស៊ី ។
លោក Musk បាននិយាយនៅលើវេទិកា X របស់លោក (អតីត Twitter) កាលពីថ្ងៃអាទិត្យថា របាយការណ៍ព័ត៌មានមិនពិតមួយចំនួនបានអះអាងថា SpaceX កំពុងលក់ស្ថានីយ Starlink ទៅប្រទេសរុស្ស៊ី ។ តាមដឹងល្អបំផុត របស់យើង គ្មាន Starlinks ត្រូវបានលក់ដោយផ្ទាល់ ឬដោយប្រយោល ទៅឲ្យប្រទេសរុស្ស៊ីទេ ។
នៅពេលសួរថា តើស្ថានីយ Starlink អាចត្រូវបានដំណើរការដោយរបៀបណាពីប្រទេសរុស្ស៊ីនោះ លោក Musk បានឆ្លើយតបថា ប្រព័ន្ធផ្កាយរណប Starlink នឹងមិនបិទតំណភ្ជាប់ ក្នុងប្រទេសរុស្ស៊ីឡើយ។ ការចម្លើយរបស់លោក Musk ឆ្លើយតបទៅនឹងការអះអាងរបស់ទីក្រុងកៀវថា កងកម្លាំងរុស្ស៊ីកំពុងប្រើប្រាស់ សេវាផ្កាយរណប Starlink នៅលើសមរភូមិ។
អគ្គនាយកដ្ឋានស៊ើបការណ៍ សម្ងាត់ នៃក្រសួងការពារជាតិអ៊ុយក្រែន (GUR) បាននិយាយកាលពីថ្ងៃអាទិត្យថា ខ្លួនបានស្ទាក់ចាប់ការសន្ទនា រវាងទាហានរុស្ស៊ី។ វាបានចេញផ្សាយ ការថតរយៈពេល ១៥ វិនាទី ដែលមនុស្សម្នាក់អាចត្រូវបានគេឮនិយាយជាភាសារុស្សីថា Starlink កំពុងដំណើរការ យើងមានអ៊ីនធើណេត ។
អ្នកនាំពាក្យ GUR លោក Andrey Yusov បានអះអាងថា កងទ័ពរុស្ស៊ីបានប្រើប្រាស់ប្រព័ន្ធដោយប្រើស្ថានីយ Starlink ។ គេហទំព័រសារព័ត៌មាន Defence One បានដកស្រង់ ប្រភពរបស់អ៊ុយក្រែន ក្នុងសប្តាហ៍នេះ ដោយនិយាយថា កងកម្លាំងរបស់ទីក្រុងកៀវ បានរកឃើញជាលើកដំបូង នូវការប្រើប្រាស់ Starlink ដោយរុស្ស៊ីប៉ុន្មានខែមុន ។
ទីក្រុងមូស្គូមិនបាន ធ្វើអត្ថាធិប្បាយ លើការចោទប្រកាន់នេះទេ ។ SpaceX បានចេញសេចក្តីថ្លែងការណ៍ដាច់ដោយឡែកមួយ កាលពីថ្ងៃព្រហស្បតិ៍ ដោយនិយាយថា ក្រុមហ៊ុនមិនធ្វើអាជីវកម្មគ្រប់ប្រភេទ ជាមួយរដ្ឋាភិបាលរុស្ស៊ីឬយោធារបស់ខ្លួន ហើយមិនដែលលក់ ឬទីផ្សារ Starlink ក្នុងប្រទេសរុស្ស៊ី ហើយក៏មិនបានដឹកជញ្ជូនឧបករណ៍ ទៅទីតាំងក្នុងប្រទេសរុស្ស៊ីដែរ ។
លោក Musk បានបរិច្ចាគស្ថានីយ Starlink ប្រហែល ២០,០០០ ដល់ទីក្រុងកៀវ ភ្លាមៗបន្ទាប់ពីរុស្ស៊ី បានចាប់ផ្តើមប្រតិបត្តិការ យោធារបស់ខ្លួនក្នុងរដ្ឋជិតខាង កាលខែកុម្ភៈ ឆ្នាំ២០២២៕
ដោយ៖លី ភីលីព
