វៀតណាម ៖ Apple Vision Pro របស់ក្រុមហ៊ុន បច្ចេកវិទ្យាយក្សអាមេរិក ដែលជាកាសស្តាប់ត្រចៀក ទំនើបបំផុតមួយ ដោយមានការ បញ្ចូលគ្នានូវមាតិកា ឌីជីថល ជាមួយនឹង លំហរូបវន្ត ត្រូវបានលក់នៅលើទីផ្សារ ងងឹត របស់ប្រទេសវៀតណាម ក្នុងតម្លៃ២ដង នៃអត្រាផ្លូវការរបស់វា ។
ក្រុមហ៊ុនលក់រាយមួយចំនួន កំពុងលក់កាសស្តាប់ត្រចៀកតម្លៃ ៣,៥០០ដុល្លារ នៅប្រទេសវៀតណាម ក្នុងតម្លៃ ១៦៥ លានដុង (៦,៨០០ ដុល្លារ) ។ ផលិតផល ត្រូវបានទិញ ពីសហរដ្ឋអាមេរិក ហើយដឹកជញ្ជូន ទៅកាន់ប្រទេសវៀតណាម តាមយន្តហោះជាទំនិញផ្ទាល់ខ្លួន ។
កាសមានកញ្ចក់កោង ភ្ជាប់ទៅនឹងស៊ុម អាលុយមីញ៉ូម បង្ហាញការផ្លាស់ប្តូរពណ៌ នៅពេលដាក់ ហើយ កញ្ចក់គឺប្រើប្រាស់បានយូរ និងអាចទប់ទល់ នឹងផលប៉ះពាល់តិចតួច ។ ស៊ុមត្រូវបានធ្វើពីស៊ីលីកុន និង រួមបញ្ចូលឧបករណ៍បំពង សម្លេងនៅសង្ខាង ។ ខ្សែត្រូវបានធ្វើពីក្រណាត់ ទន់ជាមួយនឹងការបត់បែន ។ ពួកវាអាចដកចេញបានយ៉ាង ងាយស្រួល ដោយចុចប៊ូតុង ។
ស៊ុមអាលុយមីញ៉ូម ផ្តល់ឲ្យផលិតផលនូវអារម្មណ៍ រឹងមាំក្នុងដៃប៉ុន្តែធ្ងន់ណាស់ បើប្រៀបធៀបទៅនឹង កាសប្លាស្ទិកផ្សេងទៀត ។
វាមានលេខមកុដតូចស្រដៀងនឹង Apple Watch សម្រាប់អ្នកប្រើធ្វើអន្តរកម្ម ជាមួយឧបករណ៍ ។ កាសស្តាប់នេះ មានអេក្រង់មីក្រូ LED មាន ២៣ លានភីកសែល មានន័យថា គុណភាពបង្ហាញរបស់វាសម្រាប់ភ្នែកនីមួយៗគឺខ្ពស់ជាងទូរទស្សន៍ 4K ។
ក្រុមហ៊ុនបច្ចេកវិទ្យាយក្ស អាមេរិក Apple ប្រើប្រាស់បន្ទះឈីប M2 ដូចគ្នាទៅនឹង MacBooksto របស់ខ្លួនដែលដំណើរការកាសនេះ រួមមានកាមេរ៉ា ១២ គ្រាប់ ឧបករណ៍ចាប់សញ្ញាចំនួន ៥ និងមីក្រូហ្វូនចំនួន ៦ ៕
ដោយ៖លី ភីលីព
