ទីក្រុងញូវយ៉ក ប្តឹងវេទិកាប្រព័ន្ធផ្សព្វផ្សាយ សង្គមជុំវិញ វិបត្តិសុខភាពផ្លូវចិត្ត របស់យុវជន

ទីក្រុងញូវយ៉ក ៖ ទីក្រុងញូវយ៉កកំពុងប្តឹង បណ្តាញ ប្រព័ន្ធផ្សព្វផ្សាយសង្គម មួយចំនួន ដោយចោទប្រកាន់ថា ការរចនាវេទិកា របស់ពួកគេកេងប្រវ័ញ្ចសុខភាពផ្លូវចិត្ត របស់អ្នកប្រើប្រាស់វ័យក្មេង និងធ្វើឲ្យទីក្រុងខាតបង់ ប្រាក់ចំនួន ១០០ លានដុល្លារក្នុងកម្មវិធី និងសេវាកម្មសុខភាព ពាក់ព័ន្ធជារៀងរាល់ឆ្នាំ ។

នៅក្នុងពាក្យបណ្ដឹងប្រឆាំង នឹង TikTok Instagram Facebook Snapchat និង YouTube ទីក្រុងញូវយ៉កបាននិយាយថា វេទិកានេះនឹងទទួលខុសត្រូវ ចំពោះការកើនឡើង នៃបញ្ហាសុខភាពផ្លូវចិត្ត ក្នុងចំណោមយុវវ័យ រួមទាំងជំងឺធ្លាក់ទឹកចិត្ត និងគំនិតធ្វើអត្តឃាត ។ បញ្ហាទាំងនេះ ពាក្យបណ្ដឹងចែងថា ដាក់បន្ទុកយ៉ាងធំទៅលើទីក្រុង សាលារៀន និងប្រព័ន្ធមន្ទីរពេទ្យសាធារណៈដែលផ្ដល់សេវាសុខភាពផ្លូវចិត្តដល់យុវជន ។

បណ្តឹងនេះ កើតឡើងភ្លាមៗ បន្ទាប់ពីនាយកប្រតិបត្តិ នៃវេទិកាប្រព័ន្ធផ្សព្វផ្សាយសង្គម បានប្រឈមមុខនឹងសំណួរ ដ៏លំបាកពីសមាជិកសភា ក្នុងអំឡុងពេលសវនាការចុង ក្រោយបង្អស់ របស់សភាអំពីរបៀបវេទិកា របស់ពួកគេអាចណែនាំអ្នក ប្រើប្រាស់វ័យក្មេង និងជាពិសេសក្មេងស្រីជំទង់ ទៅនឹងខ្លឹមសារដែលបង្កគ្រោះថ្នាក់ ធ្វើឲ្យខូចសុខភាពផ្លូវចិត្ត និងរូបរាងកាយរបស់ពួកគេ។

អំឡុងពេលសន្និសីទសារព័ត៌មាន មួយកាលពីថ្ងៃពុធ អភិបាលក្រុងញូវយ៉ក លោក Eric Adams បាននិយាយថា ចំនួនគ្រួសារដែលកំពុង កើនឡើងបានប្តឹងក្រុមហ៊ុន ប្រព័ន្ធផ្សព្វផ្សាយសង្គម រួមជាមួយនឹងរដ្ឋ និងក្រុងរបស់សហរដ្ឋអាមេរិក ជុំវិញការចោទប្រកាន់ថា ប៉ះពាល់ដល់សុខភាព ផ្លូវចិត្តរបស់កូនពួកគេ។ ទីក្រុងញូវយ៉ក គឺជាទីក្រុងធំដំបូង គេរបស់អាមេរិក ដែលចាត់វិធានការរួមគ្នានៃទំហំនេះ ហើយអំពាវនាវឲ្យដឹង ពីគ្រោះថ្នាក់ នៃប្រព័ន្ធផ្សព្វផ្សាយ សង្គមយ៉ាងច្បាស់ និងដោយផ្ទាល់ ដូចដែលគ្រូពេទ្យទូទៅបានធ្វើជាមួយថ្នាំជក់ និង កាំភ្លើង ។
ទីក្រុងញូវយ៉ក បាននិយាយថា ខ្លួនកំពុងស្វែងរកការខូចខាតរូបិយវត្ថុ និងការសង្គ្រោះប្រកបដោយសមធម៌ ដើម្បីផ្តល់មូលនិធិដល់ការអប់រំបង្ការ និងការព្យាបាលសុខភាពផ្លូវចិត្ត ។

ទីក្រុងក៏បានចេញផ្សាយ នូវផែនការ សកម្មភាពប្រព័ន្ធផ្សព្វផ្សាយ សង្គមដែលបង្ហាញពីរបៀបខ្លួន គ្រោងរៀបចំឱ្យក្រុមហ៊ុនប្រព័ន្ធផ្សព្វផ្សាយ សង្គមមានទំនួលខុសត្រូវ ផ្តល់ការអប់រំ និងការគាំទ្រដល់យុវជន និង ក្រុមគ្រួសារ និងសិក្សាពីផលប៉ះពាល់រយៈពេល វែងនៃប្រព័ន្ធផ្សព្វផ្សាយ សង្គមមកលើយុវជន ។

អ្នកនាំពាក្យ Snap បានប្រាប់ CNN ថា វេទិកានេះ ត្រូវបានរចនាដោយចេតនា ឲ្យខុសពីប្រព័ន្ធផ្សព្វផ្សាយ សង្គមបែបប្រពៃណី ដោយផ្តោតលើការជួយ អ្នកប្រើប្រាស់ទំនាក់ទំនង ជាមួយមិត្តភក្តិជិតស្និទ្ធ និងដោយការបើកដោយផ្ទាល់ទៅកាន់កាមេរ៉ា ជាជាងការផ្សាយមាតិកា៕
ដោយ៖លី ភីលីព