ចិន ៖ យោងតាមរបាយការណ៍ថ្មីមួយ បានឲ្យដឹងថា ការលក់ iPhone បានធ្លាក់ចុះ ២៤ភាគរយ ក្នុងរយៈពេល ៦ សប្តាហ៍ដំបូងនៃឆ្នាំ ២០២៤ ដោយបន្ថែមបញ្ហាសំខាន់ៗ សម្រាប់ក្រុមហ៊ុន បច្ចេកវិទ្យាយក្សអាមេរិក Apple និងក្រុមហ៊ុនបច្ចេកវិទ្យា លោកខាងលិចផ្សេងទៀត នៅលើទីផ្សារ ដ៏សំខាន់មួយនេះ ។
អ្នកវិភាគមកពី Counterpoint Research បាននិយាយថា ទីផ្សារទូរស័ព្ទសរុបនៅប្រទេសចិន បានធ្លាក់ចុះ ៧ភាគរយជាមួយនឹងក្រុមហ៊ុន ជាច្រើនរួមមាន Apple Oppo និង Vivo កំពុងជួបប្រទះការធ្លាក់ចុះ ។
Counterpoint បានបន្តថា បញ្ហារបស់ក្រុមហ៊ុនបច្ចេកវិទ្យាយក្ស អាមេរិក បានបន្តអស់រយៈពេលមួយឆ្នាំ ដោយសារសេដ្ឋកិច្ច របស់ប្រទេសចិនមានការធ្លាក់ចុះ ហើយភាពតានតឹងពាណិជ្ជកម្ម និងជាតិនិយមឡើងកម្តៅ។ អតិថិជនដែលធ្លាប់គិតថា Apple ឥឡូវងាកមករក ម៉ាកយីហោជាតិ ជាពិសេស Huawei ។
លោក Mengmeng Zhang ជាអ្នកវិភាគជាន់ខ្ពស់របស់ Counterpoint បាននិយាយក្នុងសេចក្តីប្រកាសព័ត៌មានមួយថា “ជាចម្បង Apple ប្រឈមមុខនឹងការប្រកួតប្រជែងដ៏តឹងរ៉ឹងបំផុតពីក្រុមហ៊ុន Huawei ដែលកំពុងងើបឡើងវិញ ខណៈការច្របាច់ស្ថិតនៅកណ្តាលលើតម្លៃដ៏ខ្លាំងក្លាពីក្រុមហ៊ុន Oppo, Vivo និង Xiaomi ។
ទោះបីជា iPhone 15 គឺជាឧបករណ៍ដ៏អស្ចារ្យក៏ដោយ វាមិនមានការអាប់ដេតគួរឲ្យកត់សម្គាល់ពីកំណែមុននោះទេ ដូច្នេះអ្នកប្រើប្រាស់មានអារម្មណ៍ល្អក្នុងការកាន់ iPhone ជំនាន់ចាស់នាពេលនេះ ។
ភាគហ៊ុនរបស់ក្រុមហ៊ុន Apple បានធ្លាក់ចុះ ២.៨ ភាគរយកាលពីថ្ងៃអង្គារ ។ ភាគហ៊ុនបានធ្លាក់ចុះប្រហែល ១១.៦ភាគរយនៅឆ្នាំនេះ ដោយសារការព្រួយបារម្ភ អំពីការចុះខ្សោយនៃការលក់ ជាពិសេសក្នុងប្រទេសចិន៕
ដោយ៖លី ភីលីព
