ប៉ាណាម៉ា ៖ ក្រុមអ្នកស្រាវជ្រាវបានប្រាប់ឲ្យដឹងថា ក្រុមអ្នកជីកកកាយ នៅទីតាំងបុរាណវត្ថុ នៅប្រទេស ប៉ាណាម៉ា បានបង្ហាញផ្នូរ របស់មេដឹកនាំសាសនា ដែលកប់ជាង ១២០០ឆ្នាំមុន រួមជាមួយនឹងឃ្លាំងផ្ទុកវត្ថុមាស និងសាកសពមនុស្សជាច្រើនទៀត ។
បើតាមការចុះផ្សាយ របស់ក្រសួងវប្បធម៌ របស់ប៉ាណាម៉ាកាលពីថ្ងៃទី១ ខែមីនាថា ក្រុមអ្នកស្រាវជ្រាវបានរកឃើញផ្នូរបុរាណក្នុងឧទ្យានបុរាណវិទ្យា El Caño ជាកន្លែងមួយស្ថិត នៅក្នុងខេត្ត Coclé ត្រូវបានគេស្គាល់ថា ជាកន្លែងក្តៅសម្រាប់ការ រកឃើញមុនសម័យកូឡុំប៊ី ។ ជាពិសេសបន្ទប់បញ្ចុះសព ដ៏ប្រណីត។ ការរកឃើញថ្មីនេះ ត្រូវបានសាងសង់ប្រហែល ៧០០ ជាផ្នូរទី៩ ត្រូវបានគេជីករកឃើញពីឧទ្យាន ចាប់តាំងពីការជីកកកាយទីតាំងនេះ បានចាប់ផ្តើមកាលឆ្នាំ២០០៨ ។
លោកវេជ្ជបណ្ឌិត Julia Mayo ជាអ្នកដឹកនាំការ ជីកកកាយ និងជានាយកមូលនិធិ El Caño ជាក្រុម សិក្សាពីបេតិកភណ្ឌវប្បធម៌ របស់ប៉ាណាម៉ា តាមរយៈការស្រាវជ្រាវលើ ទីតាំងបុរាណវិទ្យាបាននិយាយថា ផ្នូរមេដឹកនាំសាសនារួមទាំងផ្នូរ ចុងក្រោយបំផុតត្រូវបាន រកឃើញជាកន្លែង សម្រាកសម្រាប់មនុស្សមាន ឋានៈខ្ពស់ជាងក្នុងសង្គមរបស់ពួកគេ ។
ក្រុមស្រាវជ្រាវជឿថា អ្នកដែលបានរកឃើញដេកនៅកណ្តាលផ្នូរមានឋានៈខ្ពស់ជាងបង្ហាញមិនត្រឹមតែពីទីតាំងរាងកាយរបស់លោកប៉ុណ្ណោះទេ ប៉ុន្តែក៏មានវត្ថុបុរាណធ្វើពីមាស និងសេរ៉ាមិចដែលព័ទ្ធជុំវិញរាងកាយផងដែរ។
លោក Mayo បានបន្តថា អរិយធម៌នៃតំបន់ជុំវិញ El Caño នៅពេលនោះបានចាត់ទុកថា ជាកន្លែងពិសិដ្ឋ និងគោរពបូជា “បុព្វបុរស” របស់ពួកគេ ដោយសំដៅលើអ្នកដែលចងចាំថា បានធ្វើកិច្ចការសំខាន់ៗ បន្ទាប់ពីការស្លាប់របស់មនុស្សទាំងនេះមានទំនាក់ទំនងថេរត្រូវបានបង្កើតឡើងរវាងបុព្វបុរស និងកូនចៅរបស់លោក។ ការសិក្សារបស់យើងអំពីផ្នូរបង្ហាញពីការអនុវត្តនៃការស្លាប់តាមពិធីសាសនានៅក្នុងពិធីបុណ្យសពដែលទាក់ទងនឹងស្ថានភាព (ខ្ពស់ជាង)៕
ដោយ៖លី ភីលីព
