វ៉ាស៊ីនតោន ៖ អង្គការអវកាសណាសា អាមេរិក បាននិយាយកាលពីថ្ងៃព្រហស្បតិ៍ថា កម្រិតទឹកសមុទ្រជាមធ្យមបានកើនឡើងប្រហែល 0.៣ អ៊ីងពីឆ្នាំ ២០២២ ដល់ឆ្នាំ ២០២៣ ជាការកើនឡើងជិតបួនដង នៃឆ្នាំមុន ហើយការហក់ឡើង គួរឲ្យកត់សម្គាល់ ចំពោះ El Nino ដ៏ខ្លាំងក្លា និងអាកាសធាតុក្តៅ។
ការវិភាគដែលដឹកនាំ ដោយណាសាដោយផ្អែកលើការសង្កេតផ្កាយរណបជាង៣០ឆ្នាំ ដោយផ្កាយរណបដំបូង ត្រូវបានបាញ់បង្ហោះនៅឆ្នាំ ១៩៩២ និងចុងក្រោយបំផុត នៅឆ្នាំ២០២០ ។ សរុបមក កម្រិតទឹកសមុទ្របានកើនឡើងប្រហែល ៣ អ៊ីងចាប់តាំងពីឆ្នាំ ១៩៩៣ ។ អត្រានៃការកើនឡើងក៏បានកើនឡើងច្រើនជាងទ្វេដងពី ០.០៧ អ៊ីញក្នុងមួយឆ្នាំនៅឆ្នាំ ១៩៩៣ ដល់អត្រាបច្ចុប្បន្ន ០.១៧ អ៊ីញក្នុងមួយឆ្នាំ។
លោកស្រី Nadya Vinogradova Shiffer នាយកក្រុមផ្លាស់ប្តូរ កម្រិតទឹកសមុទ្រ របស់ណាសា និងកម្មវិធីរូបវិទ្យាមហាសមុទ្រ នៅទីក្រុងវ៉ាស៊ីនតោន បាននិយាយថា អត្រានៃការបង្កើនល្បឿន បច្ចុប្បន្នមានន័យថា យើងកំពុងស្ថិតនៅលើផ្លូវ ដើម្បីបន្ថែមកម្រិតទឹកសមុទ្រជាមធ្យម ២០ សង់ទីម៉ែត្រពិភពលោកនៅឆ្នាំ ២០៥០ ។
លោកស្រីបានបន្តថា នោះនឹងកើនឡើងទ្វេដង នៃការផ្លាស់ប្តូរក្នុងរយៈពេល ៣ ទសវត្សរ៍ខាងមុខ បើប្រៀបធៀបទៅនឹងសតវត្សមុន ដែលបង្កើតអនាគត មួយ ដែលទឹកជំនន់កើតមានញឹកញាប់ និង មហន្តរាយជាងសព្វថ្ងៃនេះ។ មូលហេតុភ្លាមៗនៃការកើនឡើងនេះ គឺឥទ្ធិពលអាកាសធាតុ El Nino បានជំនួស La Nina ពីឆ្នាំ ២០២១ ដល់ឆ្នាំ ២០២២ នៅពេលកម្រិតទឹកសមុទ្រ កើនឡើងប្រហែល ០.០៨ អ៊ីង។
El Nino ជាប់ពាក់ព័ន្ធនឹងសីតុណ្ហភាព សមុទ្រក្តៅជាងមធ្យមនៅតំបន់អេក្វាទ័រប៉ាស៊ីហ្វិក។ លោក Josh Willis អ្នកស្រាវជ្រាវកម្រិតទឹកសមុទ្រ នៅមន្ទីរពិសោធន៍ Jet Propulsion Laboratory (JPL) របស់ NASA បាននិយាយថា ឆ្នាំ El Nino ភ្លៀងជាច្រើនដែលជាធម្មតាធ្លាក់មកលើដី នឹងបញ្ចប់នៅក្នុងមហាសមុទ្រ បង្កើន កម្រិតទឹកសមុទ្រជាបណ្តោះអាសន្ន ។ ប៉ុន្តែក៏មានដានជើងមនុស្សច្បាស់ លាស់បង្ហាញឲ្យឃើញពីនិន្នាការ នៃការបង្កើនល្បឿន។
លោក Ben Hamlington ដឹកនាំក្រុមផ្លាស់ប្តូរ កម្រិតទឹកសមុទ្ររបស់ NASA នៅ JPL បាននិយាយថា សំណុំទិន្នន័យរយៈពេលវែងដូចជាកំណត់ត្រា ផ្កាយរណបរយៈពេល ៣០ ឆ្នាំនេះធ្វើឲ្យយើង បែងចែក រវាងផលប៉ះពាល់រយៈពេលខ្លីលើកម្រិតទឹកសមុទ្រ ដូចជា El Nino និងនិន្នាការដែលធ្វើឲ្យយើងដឹងថា កម្រិតទឹកសមុទ្រ កំពុងធ្វើដំណើរទៅណា ៕
ដោយ៖លី ភីលីព
