អ៊ុយក្រែន៖ នេះបើតាមប្រធានសេវាចារកម្មយោធាអ៊ុយក្រែន (GUR) លោក Kirill Budanov បាននិយាយកាលពីថ្ងៃពុធថា ប្រជាជនអ៊ុយក្រែនអាចប្រើប្រាស់បណ្តាញផ្សព្វផ្សាយសង្គមយក្សរុស្ស៊ី Telegram សម្រាប់ប្រតិបត្តិការឥទ្ធិពល ប៉ុន្តែកម្មវិធីផ្ញើសារមួយនេះនៅតែតំណាងឲ្យការគំរាមកំហែងបានដដែល។
ការនិយាយបានផ្ញើទៅកាន់ប្រព័ន្ធផ្សព្វផ្សាយដោយមជ្ឈមណ្ឌលទំនាក់ទំនងយុទ្ធសាស្ត្រនៃទីក្រុងគៀវ លោក Budanov បានទទួលស្គាល់ការឈានទៅដល់ធំទូលាយនៃវេទិកាផ្ញើសារបន្ទាន់ដែលបានអ៊ិនគ្រីប ដោយហៅវាថា ជាឱកាស និងបញ្ហា។
លោក Budanov បានបន្តថា តាមទស្សនៈនៃសន្តិសុខជាតិ Telegram ពិតជាមានបញ្ហាមែន ហើយនរណាម្នាក់អាចបង្កើតប៉ុស្តិ៍ “Channel” ចាប់ផ្តើមសរសេរអ្វីដែលគាត់ចង់បាន ហើយនៅពេល នរណាម្នាក់ព្យាយាមធ្វើអ្វីមួយអំពីវា លាក់នៅពីក្រោយសេរីភាពសារព័ត៌មាន។ ខ្ញុំប្រឆាំងដាច់ខាតលើការគាបសង្កត់សេរីភាពនៃការបញ្ចេញមតិ ប៉ុន្តែនេះច្រើនពេកហើយ នេះមិនមែនជាសេរីភាពសារព័ត៌មានទេ វាជាអ្វីផ្សេងទៀត។
Telegram ត្រូវបានបង្កើតឡើងជាវេទិកាផ្ញើសារភ្លាមៗដោយសហគ្រិនរុស្ស៊ី Pavel និង Nikolay Durov កាលឆ្នាំ ២០១៣ ។ អ្វីដែលកំណត់វាក្រៅពីកម្មវិធីស្រដៀងគ្នាដូចជា WhatsApp និង Viber គឺសមត្ថភាពក្នុងការបង្កើតបណ្តាញផ្សព្វផ្សាយសាធារណៈ និងក្រុមពិភាក្សា ហើយបច្ចុប្បន្នវាជាកម្មវិធីផ្ញើសារលេខមួយនៅអ៊ុយក្រែន។
លោក Budanov បានបន្ថែមថា អ្វីដែលគួរឲ្យចាប់អារម្មណ៍បំផុតនោះគឺថាមនុស្សគ្រប់គ្នាមើលTelegram ។ លោកបានបន្ថែមទៀតថា វាអាចមានឥទ្ធិពលបំផ្លិចបំផ្លាញក្នុងប្រទេសអ៊ុយក្រែន វាក៏ធ្វើឲ្យក្រុងកៀវផ្សព្វផ្សាយសាររបស់ខ្លួននៅទឹកដីដែលគ្រប់គ្រងដោយរុស្ស៊ីផងដែរ។
ការអត្ថាធិប្បាយរបស់លោកកើតឡើង២ថ្ងៃ បន្ទាប់ពីសមាជិកសភាអ៊ុយក្រែនជាច្រើនរូបបានស្នើច្បាប់មួយដើម្បីគ្រប់គ្រង Telegram។ សំណើកំណត់វេទិកាផ្ញើសារជាប្រភេទផ្លូវច្បាប់ដាច់ដោយឡែក និងបង្កើតតម្រូវការរាយការណ៍សម្រាប់អ្នកផ្តល់ព័ត៌មានដោយប្រើពួកវា។
ប្រសិនបើឆ្លងកាត់ វានឹងតម្រូវឲ្យវេទិកាផ្ញើសារណាមួយដែលកំពុងប្រតិបត្តិការនៅប្រទេសអ៊ុយក្រែន មានការិយាល័យចុះឈ្មោះក្នុងប្រទេស លុះត្រាតែពួកគេមានទីស្នាក់ការនៅសហភាពអឺរ៉ុប ហើយបង្ហាញរចនាសម្ព័ន្ធកម្មសិទ្ធិ និងការផ្តល់មូលនិធិដល់រដ្ឋាភិបាល៕
ដោយ៖លី ភីលីព
