អាល្លឺម៉ង់ ៖ គ្រាប់បែកមិន ទាន់ផ្ទុះសម័យសង្គ្រាម លោកលើកទី ២ នឹងត្រូវគេបំផ្ទុះនៅថ្ងៃសុក្រនេះ បន្ទាប់ពីគេបានរក ឃើញនៅក្បែរពហុកីឡដ្ឋានរបស់ក្លឹបបាល់ទាត់ Bundesliga Mainz 05 នៅប្រទេសអាល្លឺម៉ង់ ។
សេចក្តីថ្លែងការណ៍មួយពីទីក្រុង Mainz បាននិយាយថា គ្រាប់បែក អាមេរិកទម្ងន់ ៥០០ គីឡូក្រាមត្រូវបានរកឃើញ ក្នុងអំឡុងពេលការងារ សំណង់កាលពីថ្ងៃពុធ មុនពេលតំបន់ត្រូវបានជម្លៀសចេញ។ MEWA Arena របស់ Mainz 05 ស្ថិតនៅខាងក្រៅ កាំជម្លៀស ៧៥០ ម៉ែត្រ ប៉ុន្តែក្លឹបបានផ្លាស់ប្តូរសន្និសីទ សារព័ត៌មានកាលពីថ្ងៃសុក្រ ទៅថ្ងៃព្រហស្បតិ៍ប ន្ទាប់ពីការរកឃើញ ។
ហាងក្លឹបនៅកីឡដ្ឋានក៏នឹងត្រូវបិទនៅថ្ងៃសុក្រផងដែរ នៅពេលគ្រាប់បែកកំពុងត្រូវបានបំផ្ទុះ នេះបើយោងតាមក្រុម។ ក្លឹបគ្រោងនឹងធ្វើជាម្ចាស់ផ្ទះ ទទួលក្រុម FC Köln នៅថ្ងៃអាទិត្យ ខណៈក្រុមទាំង ២ ប្រកួតគ្នាដើម្បីចៀសវាងការ កាត់ចោលនៅរដូវកាលនេះ។ Mainz 05 បានប្រាប់ CNN Sport ថា ការប្រកួតនឹងមិន ត្រូវបានប៉ះពាល់ ដោយការរកឃើញនោះទេ ។
ក្រុមបច្ចុប្បន្នឈរ នៅលេខរៀងទី១៥ លើតារាងលីគ ដោយស្ថិតនៅក្រៅតំបន់កាត់ចោលដោយមានគ្រាប់បាល់ខុសគ្នា។ ក្រុម FC Köln ឈរនៅលេខរៀងទី ១៧ មាន ៥ ពិន្ទុពីក្រុម Mainz ។
ទីក្រុងនេះបាននិយាយថា វាមិនច្បាស់ថាវានឹងត្រូវចំណាយ ពេលយូរប៉ុណ្ណាដើម្បីកម្ទេច និងបោះចោលគ្រាប់បែកនោះទេ ប៉ុន្តែមនុស្សប្រហែល ៣,៥០០ នាក់ ត្រូវបានគេគិតថា បានរងផលប៉ះពាល់ដោយការជម្លៀសចេញ ហើយការងារកម្ចាត់ គ្រាប់បែក បានចាប់ផ្តើមនៅពាក់កណ្តាល ថ្ងៃម៉ោងក្នុងស្រុក ។
វត្តមានរបស់យុទ្ធភណ្ឌមិនទាន់ផ្ទុះក្នុងសម័យសង្គ្រាម លោកលើកទី២ នៅប្រទេសអាឡឺម៉ង់ គឺជារឿងធម្មតាដែលក្រុមហ៊ុន តែងតែជួលក្រុមកម្ចាត់គ្រាប់បែកឯកជន ដើម្បីពិនិត្យមើលថា ទីតាំងមានសុវត្ថិភាព នៅពេលសាងសង់ត្រូវបានគ្រោងទុក៕
ដោយ៖លី ភីលីព
