អាមេរិក ៖ បញ្ហាប្រព័ន្ធ Autopilot របស់ក្រុមហ៊ុនផលិត រថយន្ត Tesla មានការជាប់ពាក់ព័ន្ធទៅនឹង ការបង្កគ្រោះថ្នាក់រថយន្តរាប់រយ និងការស្លាប់មនុស្សជាច្រើននាក់ បន្ទាប់ពីរបាយការណ៍ ចុងក្រោយបំផុត ដោយនិយតករសុវត្ថិភាព ស្វ័យប្រវត្តិរបស់សហរដ្ឋអាមេរិក បានចេញផ្សាយ កាលពីថ្ងៃព្រហស្បតិ៍ ។
រដ្ឋបាលសុវត្ថិភាព ចរាចរណ៍ផ្លូវហាយវេជាតិ (NHTSA) នៃនាយកដ្ឋានដឹកជញ្ជូនអាមេរិក បាននិយាយថា ការស៊ើបអង្កេតរបស់ពួកគេលើប្រព័ន្ធ Autopilot របស់រថយន្ត Tesla ជាមុខងារជំនួយអ្នកបើកបរកម្រិតខ្ពស់ ដែលលោក Elon Musk ទទូចថានឹងនាំទៅដល់រថយន្តស្វ័យប្រវត្តិពេញលេញ បានបង្កគ្រោះថ្នាក់យ៉ាងតិចបណ្តាលឲ្យមនុស្ស ១៤ នាក់បាត់បង់ជីវិត។
ក្នុងអំឡុងពេល នៃការស៊ើបអង្កេតរយៈពេល ៣ ឆ្នាំរបស់ខ្លួន ដែលបានចាប់ផ្តើមនៅឆ្នាំ ២០២១ ទីភ្នាក់ងារបានពិនិត្យ លើការរាយការណ៍ អំពីការគ្រោះថ្នាក់រថយយន្តជិត១០០០គ្រឿង បានកើតឡើងនៅចន្លោះឆ្នាំ ២០១៨ ដល់ខែសីហា ឆ្នាំ ២០២៣។ វាបានរកឃើញថា ការប្រើប្រាស់ប្រព័ន្ធ Autopilot ខុសបានបណ្តាលឲ្យមានឧប្បត្តិហេតុ យ៉ាងហោចណាស់មនុស្ស ១៤ បានស្លាប់ និងមនុស្សជាច្រើនរងរបួសធ្ងន់ធ្ងរ ។
ការិយាល័យស៊ើបអង្កេតពិការភាព (ODI) របស់ NHTSA បានរកឃើញភ័ស្តុតាងថា ប្រព័ន្ធភ្ជាប់ទំនាក់ទំនង អ្នកបើកបរខ្សោយរបស់ក្រុមហ៊ុន Tesla មិនសមស្របនឹងសមត្ថភាពប្រតិបត្តិការ Autopilot ដែលបណ្តាលឲ្យមានគម្លាតសុវត្ថិភាពសំខាន់ ។
របាយការណ៍បាននិយាយថា ក្នុងចំណោមការគ្រោះថ្នាក់ចំនួន ៩៥៦ ករណីត្រូវបានពិនិត្យ មន្ត្រីបានបង្ហាញពីនិន្នាការទាក់ទងនឹង Autopilot ប្រហែលពាក់កណ្តាលនៃពួកគេ ។ ក្នុងចំណោម ៤៦៧ ដែលនៅសល់ ODI បានកំណត់អត្តសញ្ញាណគ្រោះថ្នាក់ចំនួន ២១១ ក្នុងនោះរថយយន្តខាងមុខ របស់ក្រុមហ៊ុន Tesla បានបុកយានជំនិះ ឬឧបសគ្គនៅក្នុងផ្លូវរបស់វា ។
គ្រោះថ្នាក់ទាំងនេះដែលច្រើនតែធ្ងន់ធ្ងរបំផុត បានបណ្តាលឲ្យមនុស្សស្លាប់ ១៤ នាក់ និងរបួស៤៩នាក់។ ជាងមួយរយ នៃឧប្បត្តិហេតុក៏ពាក់ព័ន្ធ នឹងការចាកចេញតាមផ្លូវ ដែល Autosteer ជាធាតុផ្សំនៃ Autopilot ត្រូវបានផ្តាច់ ដោយអចេតនា ដោយធាតុចូល របស់អ្នកបើកបរ ៕
ដោយ៖លី ភីលីព
