អាមេរិក ៖ សត្វដាយណូស័រ ឈាម ក្តៅដូចសត្វស្លាប និងថនិកសត្វ ឬឈាមត្រជាក់ដូចសត្វល្មូន ហើយវាជាសំណួរមួយ ក្នុង ចំណោមសំណួរ ចំណាស់ជាងគេបំផុត របស់បុរាណវិទ្យា ហើយការប្រមូលចម្លើយ មានសារសំខាន់ ព្រោះវាបំភ្លឺពីរបៀប សត្វបុរេប្រវត្តិ ប្រហែលជាបានរស់នៅ និងប្រព្រឹត្ត ។
ដោយប្រឈមនឹងគំនិតទូទៅថា ពួកសត្វទាំងអស់ សុទ្ធតែជាសត្វលូតលាស់យឺត ដែលហាលថ្ងៃដើម្បីគ្រប់គ្រង សីតុណ្ហភាពរាងកាយ របស់ពួកគេ ការស្រាវជ្រាវក្នុងរយៈពេល ៣ ទសវត្សរ៍កន្លងមកនេះ បានបង្ហាញថា ដាយណូស័រខ្លះទំនង ជាដូចសត្វស្លាប មានរោម និងប្រហែលជាសមត្ថភាព ក្នុងការបង្កើតកម្ដៅ ក្នុងខ្លួនរបស់ពួកគេ។
ទោះជាយ៉ាងណាក៏ដោយ វាពិបាកក្នុងការ ស្វែងរកភស្តុតាងដែលបង្ហាញយ៉ាងច្បាស់ថា តើការរំលាយអាហារ របស់ដាយណូស័រ មានលក្ខណៈដូចម្តេច ។ តម្រុយពីសម្បកពង និងឆ្អឹងដាយណូស័រ បានបង្ហាញថា ដាយណូស័រខ្លះ មានឈាមក្តៅ ហើយខ្លះទៀតមិនមានទេ ។
ការសិក្សាថ្មីមួយត្រូវបានចេញផ្សាយនៅលើទស្សនាវដ្តី Current Biology កាលពីថ្ងៃពុធ បានបង្ហាញថា ក្រុមដាយណូស័រសំខាន់ៗចំនួន ៣ សម្របខ្លួនខុសគ្នាទៅនឹងការប្រែប្រួលសីតុណ្ហភាព ជាមួយនឹងសមត្ថភាពក្នុងការគ្រប់គ្រងសីតុណ្ហភាពរាងកាយដែលវិវត្តនៅដើម Jurassic Period ប្រហែល ១៨០ លានឆ្នាំមុន។
ដោយផ្អែកលើហ្វូស៊ីលពីប្រភេទ សត្វដាយណូស័រ ១,០០០ ប្រភេទ និងព័ត៌មានអាកាសធាតុ ការសិក្សាថ្មីបានពិនិត្យមើល ការរីករាលដាលនៃដាយណូស័រ នៅទូទាំងបរិយាកាសផ្សេងៗគ្នា នៅលើផែនដីពេញមួយយុគសម័យដាយណូស័រ បានចាប់ផ្តើមប្រហែល ២៣៥ លានឆ្នាំមុន និង បានបញ្ចប់កាលពី ៦៦ លានឆ្នាំមុន នៅពេលអាចម៍ផ្កាយ មួយបានធ្លាក់មកផែនដី ។
នេះបើយោងតាមការសិក្សា លើការស្រាវជ្រាវ បានណែនាំថា ក្រុម២ ក្នុងចំណោមក្រុមសំខាន់ៗទាំង៣ គឺ ដាយណូស័រ ដែលស៊ីសាច់ រួមមាន T. Rex និង Ornithischians បរិភោគរុក្ខជាតិ ដែលសមាជិកគួរឲ្យកត់សម្គាល់រួមមាន Triceratops និង Stegosaurus បានរីករាលដាលទៅរស់នៅក្នុងអាកាសធាតុ ត្រជាក់ជាងក្នុងកំឡុងដើម Jurassic Period ។ ដាយណូស័រទាំងនេះអាចមានការវិវឌ្ឍន៍ ឬសមត្ថភាព ក្នុងការបង្កើតកម្ដៅក្នុងខ្លួន ៕
ដោយ៖លី ភីលីព
