ទីក្រុង Doha ៖ អ្នកដំណើរ ៨ នាក់ និងសមាជិកនាវិក ៦ នាក់ទៀត បានរងរបួស ដោយមិនបង្កឲ្យអ្នកដំណើ១ណាម្នាក់ បាត់បង់ជីវិតឡើយ បន្ទាប់ពីជើងហោះហើររបស់ Qatar Airways ពីទីក្រុងដូហាទៅកាន់ ទីក្រុង Dublin ដោយសារតែយន្តហោះមានសភាព ញ័ររញ្ជួយដោយមិនដឹងពីមូលហេតុ កាលពីថ្ងៃអាទិត្យ ។
ជើងហោះហើរបានចុះចតនៅទីក្រុង Dublin ភ្លាមៗមុនម៉ោង ១ រសៀលម៉ោងក្នុងស្រុកត្រូវបានជួបសង្គ្រោះ ដោយក្រុមសេវាសង្គ្រោះបន្ទាន់ រួមទាំងប៉ូលីសអាកាសយានដ្ឋាន និងនាយកដ្ឋានពន្លត់អគ្គីភ័យ និងជួយសង្គ្រោះយ៉ាងយកចិត្តទុកដាក់ ។
យោងតាមសេចក្តីថ្លែងការណ៍ពីអាកាសយានដ្ឋាន Dublin ថា អ្នកដំណើរ ៦ នាក់ និងសមាជិកនាវិក៦ នាក់បានរងរបួសក្នុងឧបទ្ទវហេតុនេះ ហើយដំណ្តើរ៨នាក់ទៀតត្រូវបានបញ្ជូនទៅមន្ទីរពេទ្យ បន្ទាប់ពីការវាយតម្លៃក្រុមអ្នកជួយសង្គ្រោះ។ ចំណែកជើងហោះហើរ Qatar Airways QR017 បានជួបប្រទះភាពចលាចល នៅពេលកំពុងហោះហើរលើដែនប្រទេសទួរគី។
អាកាសយានដ្ឋាន Dublin បាននិយាយថា ខ្លួនកំពុងជួយអ្នកដំណើរ និងបុគ្គលិក ហើយប្រតិបត្តិការនេះមិនមានផលប៉ះពាល់អ្វីឡើយ។ ការហោះហើរត្រឡប់មកវិញរបស់យន្តហោះទៅកាន់ទីក្រុងដូហា ជើងហោះហើរ QR018 គ្រោងនឹងដំណើរការទៅមុខតាមការរំពឹងទុក ទោះបីជាការចាកចេញរបស់វានឹងត្រូវពន្យារពេលក៏ដោយ។
ក្រុមហ៊ុនអាកាសចរណ៍ Qatar Airways បាននិយាយថា ជើងហោះហើរបានចុះចតដោយសុវត្ថិភាពនៅទីក្រុង Dublin ប៉ុន្តែថា អ្នកដំណើរ និងនាវិកមួយចំនួនតូចបានរងរបួសស្រាលនៅលើជើងហោះហើរ ឥឡូវនេះកំពុងទទួលការព្យាបាល ។ បញ្ហានេះឥឡូវស្ថិតក្រោមការស៊ើបអង្កេតផ្ទៃក្នុង ហើយសុវត្ថិភាព និងសុវត្ថិភាពរបស់អ្នកដំណើរ និងនាវិករបស់យើង គឺជាអាទិភាពចម្បងរបស់យើង៕
ដោយ៖លី ភីលីព
