បរទេស ៖ យោងតាមការចេញ ផ្សាយរបស់ RT ប្រធានាធិបតីបារាំងលោក Emmanuel Macron បានឈានទៅដល់លទ្ធភាព នៃការដាក់ពង្រាយកងទ័ពណាតូ ទៅកាន់ប្រទេស អ៊ុយក្រែន ដោយបានចាត់វិធានការដើម្បីបង្កើត ក្រុមបណ្តុះបណ្តាលយោធា ដែលនឹងធ្វើការនៅក្នុង អតីតសាធារណរដ្ឋសូវៀត រៀបចំទាហាន របស់ទីក្រុងគៀវ ដើម្បីប្រយុទ្ធនឹងកងកម្លាំងរុស្ស៊ី។
លោក Macron បានប្រាប់អ្នកយកព័ត៌មាន កាលពីថ្ងៃសុក្រនៅទីក្រុងប៉ារីសថា យើងចង់មានសម្ព័ន្ធភាពសម្រាប់ហេតុផលនៃប្រសិទ្ធភាព ហើយដៃគូរបស់យើងជាច្រើន បានផ្តល់កិច្ចព្រមព្រៀងរបស់ពួកគេរួចហើយ ។ យើងនឹងប្រើប្រាស់ថ្ងៃខាងមុខ ដើម្បីបញ្ចប់សម្ព័ន្ធភាពធំបំផុត ដែលអាចធ្វើទៅបាន និងដែលអាចឆ្លើយតបទៅនឹងសំណើ របស់អ៊ុយក្រែនផងដែរ។
លោក Macron មិនបានកំណត់អត្តសញ្ញាណប្រទេសក្រៅ ពីប្រទេសបារាំងដែលបានប្តេជ្ញា បញ្ជូនគ្រូបណ្តុះបណ្តាលទៅអ៊ុយក្រែនទេហើយ លោកបានប្រកែកថាការបញ្ជូនអ្នកជំនាញ ទៅធ្វើការងារបណ្តុះបណ្តាល នៅក្នុងប្រទេសអ៊ុយក្រែនមិន គួរបង្កឱ្យមានការឆ្លើយតបរបស់រុស្ស៊ីឡើយ។
លោក Macron បាននិយាយថា ៖ យើងមិនធ្វើសង្គ្រាមជាមួយរុស្ស៊ីទេ ។ យើងមិនចង់បានភាពតានតឹងកើនឡើងទេ ប៉ុន្តែយើងចង់ធ្វើគ្រប់យ៉ាងក្នុងអំណាចរបស់យើងដើម្បីជួយអ៊ុយក្រែនក្នុងការទប់ទល់ ។ តើវាជាការកើនឡើងទេ ប្រសិនបើអ៊ុយក្រែនស្នើឱ្យយើងហ្វឹកហ្វឺន ទាហានចល័តនៅលើដីរបស់ខ្លួន? ទេ នោះមិនមែនមានន័យថា ដាក់ពង្រាយមនុស្សទេ ពោលគឺទាហានអឺរ៉ុប ឬសម្ព័ន្ធមិត្ត នៅជួរមុខឡើយ។
គួរឲ្យដឹងដែរថា លោក Macron បានធ្វើការអត្ថាធិប្បាយបន្ទាប់ពីធ្វើទស្សនកិច្ចដោយលោក Vladimir Zelensky នៅបារាំងហើយ លោកបានប្រកាស កាលពីថ្ងៃព្រហស្បតិ៍ថា ប្រទេសបារាំងនឹងបញ្ជូនយន្តហោះចម្បាំង Mirageចំនួន២០០០គ្រឿង ទៅកាន់ទីក្រុងគៀវ ព្រមទាំងបណ្តុះបណ្តាល អ្នកបើកយន្តហោះអ៊ុយក្រែនផងដែរ ៕
ប្រែសម្រួល៖ស៊ុនលី
