សាន់ហ្វ្រាន់ស៊ីស្កូ ៖ កម្មករដែលត្រូវ បានបណ្តេញចេញ ដោយក្រុមហ៊ុន អវកាសឯកជន យក្សអាមេរិក SpaceX បានដាក់ពាក្យបណ្តឹង កាលពីថ្ងៃពុធដោយចោទប្រកាន់ លោក Elon Musk ពីបទជុំវិញវប្បធម៌យុគងងឹត “Dark Ages” ដោយចាត់ទុកស្ត្រីជាវត្ថុផ្លូវភេទ នៅក្រុមហ៊ុនដែលលោកបានបង្កើត ។
ពាក្យបណ្តឹងរដ្ឋប្បវេណី បានដាក់នៅតុលាការរដ្ឋកាលីហ្វ័រញ៉ាក្នុងទីក្រុង Los Angeles ជំទាស់ថាលោក Musk បានបញ្ឈប់កម្មករ បន្ទាប់ពីពួកគេ បានចេញផ្ដាយ លិខិតចំហ ដែលរៀបរាប់ពីកង្វល់របស់ពួកគេ និងអំពាវនាវឲ្យក្រុមប្រឹក្សាភិបាល របស់ក្រុមហ៊ុនអាកាសចរណ៍ អាមេរិកឃ្លាតឆ្ងាយពីនាយកប្រតិបត្តិ SpaceX ។
ឯកសាររបស់តុលាការបាននិយាយថា លោក Elon Musk ត្រេកត្រអាល SpaceX ថា ជាអ្នកដឹកនាំទៅកាន់ពិភពថ្មីនៃការធ្វើដំណើរអវកាស។ ប៉ុន្តលោកបានដំណើរការក្រុមហ៊ុនរបស់លោកទៅរកយុគងងឹត ហើយចាត់ទុកស្ត្រីជាវត្ថុផ្លូវភេទ ដើម្បីវាយតម្លៃលើទំហំអាវទ្រនាប់របស់ពួកគេ បំផ្ទុះកន្លែងធ្វើការដោយពាក្យចចាមអារ៉ាមផ្លូវភេទ និងផ្តល់ការសងសឹកដល់អ្នកដែលប្រជែងនឹងបរិស្ថាន បើគេមិនពេញចិត្ត គេអាចរកការងារធ្វើនៅកន្លែងផ្សេងបាន។
បណ្តឹងចោទប្រកាន់លោក Musk និង SpaceX ពីបទបៀតបៀនផ្លូវភេទ ការរើសអើង ការសងសឹក និងការបញ្ចប់ដោយខុស។ ចំណែកមេធាវីរបស់ដើមបណ្តឹង Laurie Burgess បាននិយាយ ថា លោក Musk គិតថា លោកនៅពីលើច្បាប់ យើងទន្ទឹងរង់ចាំឲ្យលោក Musk ទទួលខុសត្រូវចំពោះសកម្មភាពរបស់លោកនៅពេលកាត់ក្តី។
កម្មករត្រូវបានបណ្តេញចេញ បានដាក់ពាក្យប្តឹង ទៅក្រុមប្រឹក្សាទំនាក់ទំនងការងារ ជាតិរបស់អាមេរិករួចហើយ ប៉ុន្តែវាត្រូវបានជាប់គាំង ដោយបណ្តឹងដោយលោក Musk ដែលព្យាយាមបង្ខូចវា ។ ដើមបណ្តឹង Paige Holland-Thielen បាននិយាយក្នុងសេចក្តីថ្លែងការណ៍មួយថា ការដាក់ពាក្យប្តឹងនេះ ជាព្រឹត្តិការណ៍ដ៏សំខាន់មួយក្នុងដំណើរស្វែង រកយុត្តិធម៌របស់យើង សម្រាប់ការទទួលបន្ទុកភាពជាអ្នកដឹកនាំ និងសម្រាប់ការអនុវត្តការ ផ្លាស់ប្តូរប្រកបដោយទំនួលខុសត្រូវក្នុងគោលនយោបាយកន្លែងការងារសម្រាប់សហការីរបស់យើងនៅ SpaceX ដែលបន្តធ្វើការនឿយហត់ក្នុងបរិយាកាសការងារ ប្រកបដោយអរិភាព។
យើងសង្ឃឹមថា បណ្តឹងនេះលើកទឹកចិត្តសហការីរបស់យើងឲ្យរឹងមាំនិងបន្តការតស៊ូដើម្បីកន្លែងការងារកាន់តែប្រសើរ។ ឯកសារបាននិយាយថា ក្រុមហ៊ុន SpaceX ក្នុងឆ្នាំ ២០២២ បានបណ្តេញអតីតកម្មករនិយោជិតទាំង ៨ នាក់ដែលតំណាងដោយបណ្តឹងនេះ៕
ដោយ៖លី ភីលីព
