បរទេស៖ គណៈកម្មការអឺរ៉ុបនឹងជូនដំណឹង ដល់ក្រុមហ៊ុនផលិតរថយន្តនៅថ្ងៃពុធថា ខ្លួននឹងអនុវត្តកាតព្វកិច្ចបន្ថែម ជាបណ្តោះអាសន្នរហូតដល់ ២៥ភាគរយ លើរថយន្តអគ្គិសនី (EV) ដែលនាំចូលពីប្រទេសចិន ចាប់ពីខែក្រោយ។
យោងតាមសារព័ត៌មាន VN Express ចេញផ្សាយកាលពីថ្ងៃទី១២ ខែមិថុនា ឆ្នាំ២០២៤ បានឱ្យដឹងថា ក្រុមអ្នកវិភាគបាននិយាយថា ពួកគេរំពឹងថា នឹងដំឡើង ពន្ធពី ១០ភាគរយ ទៅ ២៥ភាគរយ លើរថយន្ត EV របស់ចិន ដែលជាការផ្លាស់ប្តូរមួយ ទំនងជាជំរុញ ឱ្យមានការសងសឹកពីទីក្រុងប៉េកាំង ។ សារព័ត៌មាន The Financial Times បានរាយការណ៍ថា គណៈកម្មការអឺរ៉ុបបាននិយាយថា រថយន្ត EV របស់ចិនទទួលបាន ប្រាក់ឧបត្ថម្ភលើស។
ក្រសួងកិច្ចការបរទេស របស់សហភាពអឺរ៉ុប និងប្រទេសចិន មិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់ សារព័ត៌មាន Reuters នោះទេ។
តិចជាងមួយខែបន្ទាប់ពីក្រុងវ៉ាស៊ីនតោនបានដំឡើងពន្ធបួនដងសម្រាប់រថយន្ត EV របស់ចិនដល់ ១០០ភាគរយ, ទីក្រុងប្រ៊ុចសែលត្រូវបានគេរំពឹងថា នឹងកំណត់ពន្ធស្ទើរតែទាបជាងការនាំចូលពីក្រុមហ៊ុនផលិតរបស់ចិនដូចជា BYD និង Geely ក៏ដូចជាក្រុមហ៊ុនផលិតលោកខាងលិចដូចជា Tesla ដែលនាំចេញរថយន្តពីប្រទេសចិនទៅ អឺរ៉ុប៕
ប្រែសម្រួលៈ ណៃ តុលា
