តូក្យូ ៖ ទិន្នន័យរបស់ប៉ូលីស បានបង្ហាញកាលពីថ្ងៃព្រហស្បតិ៍ថា ចំនួនមនុស្ស ដែលត្រូវការជំនួយ អ្នកឡើងភ្នំនៅជប៉ុនបានកើនឡើង ដល់កម្រិតខ្ពស់បំផុត ចំនួន ៣,៥៦៨ ក្នុងឆ្នាំ ២០២៣ ដោយបានបំបែកកំណត់ត្រាមុន បានកំណត់ កាលពីឆ្នាំមុន ខណៈអ្នកឡើងភ្នំ ត្រឡប់ទៅភ្នំ Fuji និងកំពូលភ្នំ ដ៏ពេញនិយមផ្សេងទៀត បន្ទាប់ពីការបន្ធូរបន្ថយការ រឹតបន្តឹងនៃ COVID-19 ។
នេះបើយោងតាមទិន្នន័យ របស់ទីភ្នាក់ងារនគរបាលជាតិ បានប្រាប់ឲ្យដឹងថា ចំនួនសរុបបានកើនឡើង ៦២ ធៀប នឹងឆ្នាំមុនបានកើនឡើង ដល់តួលេខខ្ពស់បំផុតចាប់តាំងពីទិន្នន័យ អាចប្រៀបធៀបបានមានកាលឆ្នាំ ១៩៦១ ។ ក្នុងចំណោមពួកគេមាន ៣៣៥ នាក់បានស្លាប់ ឬបន្តបាត់ខ្លួន និង ១៤០០នាក់បានរងរបួស ។
មន្ត្រី NPA ម្នាក់ បាននិយាយថា យើងជំរុញឲ្យប្រជាជនធ្វើឲ្យប្រាកដថាពួកគេមានសម្ភារៈល្អដូចជាស្បែកជើងឡើងភ្នំ និងទូរស័ព្ទដៃ ហើយដាក់ទម្រង់ ចុះឈ្មោះឡើងភ្នំ ដែលជាកត្តាសំខាន់ សម្រាប់ប្រតិបត្តិការស្វែងរក និងជួយសង្គ្រោះ ។
ទិន្នន័យបានបង្ហាញ ពីការ កើនឡើង គួរឲ្យកត់សម្គាល់ នៃឧប្បត្តិហេតុក្នុងតំបន់ដើរ លេងដ៏ពេញនិយម និងទីតាំងដែលអាចចូល ទៅដល់បានយ៉ាង ងាយស្រួល ពីតំបន់ទីប្រជុំជន ។ ចំនួនមនុស្សជាប់គាំងនៅលើភ្នំ Fuji បានកើនឡើង ៩០ ភាគរយពីមធ្យមភាគក្នុងរយៈពេល ៥ ឆ្នាំចុងក្រោយនេះ ហើយអ្នកនៅលើភ្នំ Takao ជាទិសដៅដើរដ៏ពេញនិយម នៅជាយក្រុងតូក្យូបានកើនឡើង ៦៨ ភាគរយ ធៀបនឹងរយៈពេលដូចគ្នា ។
កាលពីថ្ងៃព្រហស្បតិ៍ ខេត្ត Yamanashi បានចាប់ផ្តើមសាងសង់ច្រកទ្វារនៅស្ថានីយ៍ទី ៥ នៃផ្លូវ Yoshida ដើម្បីកាត់បន្ថយការកកស្ទះ និងរារាំង ឬការប៉ុនប៉ងឡើងដល់កំពូលភ្នំ ពេញមួយយប់ ហើយត្រឡប់មកវិញ ដោយមិនដេកនៅក្នុងខ្ទមកណ្តាលឡើយ។
ច្រកទ្វារដែលគ្រោង នឹងបញ្ចប់នៅថ្ងៃចន្ទមុនរដូវឡើងភ្នំចាប់ពីថ្ងៃទី១ ខែកក្កដា ហាមប្រាមអ្នកដែលគ្មានការកក់ខ្ទមភ្នំចាប់ពីម៉ោង ៤ រសៀលដល់ម៉ោង ៣ ព្រឹក ហើយកំណត់អ្នកឡើងភ្នំប្រចាំថ្ងៃត្រឹម ៤០០០ នាក់ ។
ទិន្នន័យចុងក្រោយបង្អស់ បានបង្ហាញពីករណីពាក់ព័ន្ធនឹង ភ្ញៀវបរទេសក៏បានកើនឡើង ដោយមានមនុស្សសរុបចំនួន ១៤៥ នាក់ត្រូវការជំនួយ ជាចំនួនខ្ពស់បំផុតចាប់ តាំងពីកំណត់ត្រាស្តីពីឧប្បត្តិហេតុទេសចរណ៍ បរទេសបានចាប់ផ្តើមត្រូវ បានតាមដានក្នុងឆ្នាំ ២០១៨៕
ដោយ៖លី ភីលីព
