ម៉ាឡេស៊ី៖ តារាសម្ដែងចិនដ៏ល្បីល្បាញលំដាប់ពិភពលោក នាង Fan Bingbing ដែលជាឯកអគ្គរដ្ឋទូតទេសចរណ៍ប្រចាំ Malaysian state របស់ប្រទេសម៉ាឡេស៊ី បានអនុម័តផ្លែទុរេនជាបង្អែមដែលមានរស់ជាតិគួរឲ្យសាកល្បងសម្រាប់អ្នកទេសចរមកពីប្រទេសចិនដែលមកទស្សនាប្រទេសនេះ។
យោងតាម The Star បានចេញផ្សាយថា ថ្លែងក្នុងសន្និសីទសារព័ត៌មានដែលធ្វើឡើងនៅ Melaka កាលពីថ្ងៃអាទិត្យ នាង Fan បានរំលេចនូវបង្អែមទឹកកកដ៏ពេញនិយម រួមបញ្ចូលគ្នានូវធុរេន ម្សៅអង្ករបៃតងរសជាតិដើមដូង ចាហួយ ទឹកដោះគោដូង និងទឹកស៊ីរ៉ូស្ករត្នោតជាចំណុចលេចធ្លោនៃមុខម្ហូបក្នុងស្រុក។
នាងបានបញ្ជាក់ថា មីឡាកា គឺជាមុខម្ហូប និងរសជាតិដែលរលាយ ហើយទុរេនជាអាហារដែលគួរសាកល្បង។
នេះបើយោងតាមរបាយការណ៍របស់ Malay Mail ថា តារាស្រីរូបនេះក៏បានចង្អុលបង្ហាញថា Melaka ជាទិសដៅទេសចរណ៍ដ៏ល្អសម្រាប់ភ្ញៀវទេសចរចិន ដោយសារតែទំនាក់ទំនងប្រវត្តិសាស្ត្ររបស់ខ្លួនជាមួយប្រទេសចិន និងប្រជាជនក្នុងតំបន់ដែលនិយាយភាសាចិនកុកងឺ ។
នាង Fan មានអាយុ ៤៣ ឆ្នាំបានចាប់ផ្តើមអាជីពសិល្បៈរបស់នាងនៅអាយុ ១៧ ឆ្នាំ ហើយចាប់តាំងពីពេលនោះមកបានទទួលកិត្តិនាមជាតារាសម្តែង ម៉ូដែល ផលិតករទូរទស្សន៍ និងតារាចម្រៀង។ នាងត្រូវបានគេដាក់បញ្ចូលក្នុងបញ្ជីអ្នកមានឥទ្ធិពលបំផុតទាំង ១០០ របស់ទស្សនាវដ្ដី Time កាលឆ្នាំ ២០១៧។
បន្ទាប់ពីការផាកពិន័យចំនួន ១២៨ លានដុល្លារអាមេរិកសម្រាប់ការគេចពន្ធកាលឆ្នាំ ២០១៨ នាង Fan បានរក្សាទម្រង់សាធារណៈដោយសម្ងាត់ជាងមុន។
នេះបើយោងតាមកាសែត The Straits Times ថា នាងត្រូវបានតែងតាំងជាឯកអគ្គរដ្ឋទូតទេសចរណ៍របស់ Melaka នៅដើមឆ្នាំនេះ ជាតួនាទីដែលអាជ្ញាធរក្នុងតំបន់ជឿថានឹងបង្កើនប្រជាប្រិយភាពរបស់នាងដើម្បីលើកកម្ពស់គោលដៅទេសចរណ៍ក្នុងប្រទេស៕ ដោយ៖លី ភីលីព
