អារ៉ាប៊ីសាអូឌីត ៖ រាប់ពាន់ករណី នៃភាពតានតឹងកម្ដៅ ក៏ត្រូវបានរាយការណ៍ កាលពីចុងខែមិថុនាឆ្នាំមុន ក្នុងអំឡុងពេលធម្មយាត្រាដ៏ពិសិដ្ឋ ដែលធ្វើឲ្យអ្នកធម្មយាត្រាមូស្លីម យ៉ាងហោចណាស់ ២៤០ នាក់បានស្លាប់ ។
ក្រសួងការបរទេសហ្ស៊កដានីបាននិយាយ កាលពីចុងសប្តាហ៍ថា អ្នកធ្វើធម្មយាត្រាមូស្លីមបានទទួល រងនូវកម្ដៅមិនធម្មតាក្នុងអំឡុងពេលធម្មយាត្រា Hajj នៅប្រទេសអារ៉ាប៊ីសាអូឌីត ដោយសីតុណ្ហភាព បានឡើងដល់ ៤៩ អង្សាសេកាលពីថ្ងៃអាទិត្យ ។
The Washington Post បានរាយការណ៍ថា កម្ដៅដ៏មហន្តរាយបានបណ្តាល ឲ្យអ្នកធ្វើធម្មយាត្រាជនជាតិ ហ្ស៊កដានី យ៉ាងហោចណាស់ ៦ នាក់បានស្លាប់ ចំណែករបាយការណ៍ ដាច់ដោយឡែកមួយដោយ France 24 បានរកឃើញថា យ៉ាងហោចណាស់អ្នកធម្មយាត្រាហ្សកដានី និងអ៊ីរ៉ង់ ១៩ នាក់បានស្លាប់ ខណៈអ្នកធ្វើធម្មយាត្រាហ្ស៊កដានីជាង ១០ នាក់បានបាត់ខ្លួន ដោយសារកម្ដៅ ។
លោក Mohammed al-Abdulaali អ្នកនាំពាក្យរបស់ក្រសួងសុខាភិបាល អារ៉ាប៊ីសាអូឌីត បាននិយាយកាលពីថ្ងៃចន្ទថា លើសពីនេះ ករណីនៃភាពតានតឹង កម្ដៅ និងខ្យល់អាកាសមានជាង ២៧០០ករណី ក្នុងចំណោមអ្នកធ្វើធម្មយាត្រា ត្រូវបានរាយការណ៍ ។
នេះបើតាមអង្គការ សង្គ្រោះឥស្លាម បានប្រាប់ឲ្យដឹងថា ប្រជាជនម៉ូស្លីម ដែលមានរូបរាងកាយ និងហិរញ្ញវត្ថុអាចធ្វើដំណើរបាន ត្រូវមានកាតព្វកិច្ច ធ្វើធម្មយាត្រា យ៉ាងហោចណាស់ម្តង ក្នុងមួយជីវិត ។ ពិធីបុណ្យ Hajj ត្រូវបានគេចាត់ទុកថា ជាធម្មយាត្រាដ៏ពិសិដ្ឋ និងជាសសរស្តម្ភមួយក្នុង ចំណោមសសរស្តម្ភទាំង ៥ របស់សាសនាឥស្លាម។ ជារៀងរាល់ឆ្នាំ ប្រជាជនម៉ូស្លីមរាប់លាននាក់ធ្វើដំណើរទៅធ្វើពិធីបុណ្យ Hajj របស់ពួកគេនៅទីក្រុង Makkah ប្រទេសអារ៉ាប៊ីសាអូឌីត សម័យទំនើប។
យ៉ាងហោចណាស់ មានមនុស្សចំនួន ១.៨ លាននាក់ បានចូលរួមពិធីបុណ្យ Hajj ក្នុងឆ្នាំនេះ ហើយពិធីបុណ្យនេះបានចាប់ផ្តើម កាលពីថ្ងៃសុក្រ នឹងត្រូវបានកំណត់ថា អាចមានអ្នកចូលរួមច្រើនបំផុត នៅថ្ងៃពុធ ។ ជាអកុសល ពិធីសាសនាទាំងនេះភាគច្រើន គឺនៅខាងក្រៅ ហើយរួមបញ្ចូល ការដើរជុំវិញ Kaaba ជាកន្លែងសាសនាអ៊ីស្លាមដ៏ពិសិដ្ឋ ។ ជាមធ្យោបាយមួយ ដើម្បីឈានទៅមុនកម្ដៅ អារ៉ាប៊ីសាអូឌីតបានប្រគល់ទឹក រៀបចំឆ័ត្រធំៗ និងឧទ្ទិសដល់មន្ទីរពេទ្យមួយចំនួន ដើម្បីព្យាបាលជំងឺ ដែលទាក់ទងនឹងកម្ដៅ ។
បម្រែបម្រួលអាកាសធាតុ បានបន្តឡើងកម្ដៅផែនដីរបស់យើង ហើយមនុស្សមួយចំនួនទៀតត្រូវបានគេរាយការណ៍ថា បានស្លាប់ដោយសារជំងឺ ទាក់ទងនឹង កម្ដៅ រួមទាំងប្រទេសឥណ្ឌា និង ក្រិកផងដែរ ។ កាលពីសប្តាហ៍មុន ប្រទេសក្រិកបានស្ថិតនៅក្រោមរលកកម្ដៅ ដ៏ក្ដៅគគុក ជាមួយនឹងសីតុណ្ហភាពឡើង ដល់៤៣អង្សារសេ ៕
ដោយ៖លី ភីលីព
