តេអេរ៉ង់៖ ទីភ្នាក់ងារព័ត៌មានផ្លូវការ IRNA បានរាយការណ៍ថា ប្រទេសអ៊ីរ៉ង់ និងបារ៉ែន បានចាប់ផ្តើមកិច្ចពិភាក្សាស្តីពីការដោះលែងទ្រព្យសម្បត្តិរបស់អ៊ីរ៉ង់ ដែលបច្ចុប្បន្នត្រូវបានបង្កកនៅក្នុងប្រទេសបារ៉ែន។
ការចរចាប្រកបដោយប្រសិទ្ធភាព ត្រូវបានធ្វើឡើងលើការចេញផ្សាយ ទ្រព្យសម្បត្តិ របស់អ៊ីរ៉ង់ កាលពីថ្ងៃអាទិត្យរវាងអភិបាលរង នៃធនាគារកណ្តាលអ៊ីរ៉ង់ និងបារ៉ែន មុនពេលធ្វើដំណើរដោយរដ្ឋមន្ត្រីការបរទេស បារ៉ែនលោក Abdullatif bin Rashid Al Zayani ទៅកាន់ទីក្រុងតេអេរ៉ង់។
ក្នុងអំឡុងពេលការចរចា ភាគីទាំងពីរបានព្រមព្រៀងគ្នាលើការដោះលែងប្រាក់ ដែលត្រូវបានបង្កករបស់អ៊ីរ៉ង់ ដើម្បីប្រព្រឹត្តទៅក្នុងក្របខ័ណ្ឌបច្ចេកទេស និងដោយការគោរពគ្នាទៅវិញទៅមក។
របាយការណ៍បានឲ្យដឹងថា ភាគីទាំងពីរក៏បានពិភាក្សា អំពីមូលហេតុចម្បងនៃបញ្ហានេះ និងបានរិះរកវិធីសាស្រ្ត ដើម្បីកំណត់ និងជំនះឧបសគ្គ ដែលរារាំងដល់ការបញ្ចេញ មូលនិធិបង្កករបស់អ៊ីរ៉ង់ ៕
ប្រែសម្រួល ឈូក បូរ៉ា
