ហាណូយ ៖ ទីភ្នាក់ងារព័ត៌មានវៀតណាម បានរាយការណ៍នៅថ្ងៃសុក្រនេះថា រយៈពេលនៃភាពរុងរឿង របស់អចលនទ្រព្យវៀតណាម នឹងមានរយៈពេលពីត្រីមាសទីពីរដល់ត្រីមាសទី៤ នៃឆ្នាំ២០២៥ ដោយដកស្រង់សម្តីលោក Nguyen Quoc Anh អគ្គនាយករងនៃវេទិកា ចុះបញ្ជីអចលនទ្រព្យ Batdongsan.com ។
លោកបន្តថា អ្នកទិញនិងអ្នកវិនិយោគនឹងយក ចិត្តទុកដាក់បន្ថែមទៀត លើការវិនិយោគ និងការឡើងថ្លៃ ហើយដីនិងផ្ទះវីឡានឹងមានភាពល្អប្រសើរខ្លាំង នេះបើយោងតាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ។
លោកបានលើកឡើងថា ទីផ្សារអចលនទ្រព្យ របស់ប្រទេសនេះឥឡូវនេះស្ថិតក្នុងដំណាក់កាល “ការរុករក” សន្ទស្សន៍ គឺមានភាពរលូន ហើយអ្នកទិញកំពុងរង់ចាំសញ្ញាវិជ្ជមាន។
លោករំពឹងថា រយៈពេល នៃការបង្រួបបង្រួមនឹងចាប់ផ្តើមនៅត្រីមាសទី១ ឆ្នាំ២០២៥ ដោយអ្នកទិញនៅតែផ្តល់ អាទិភាពដល់តម្រូវការលំនៅដ្ឋានផ្ទាល់ខ្លួន និងលំហូរសាច់ប្រាក់ល្អ។
លោកបានបន្ថែមថា នៅឆ្នាំ២០២៦ ទីផ្សារនឹងឈានចូល ដល់ដំណាក់កាលអភិវឌ្ឍន៍ ប្រកបដោយស្ថិរភាព ហើយប្រជាជន នឹងស្វែង រកឱកាសវិនិយោគម្តងទៀត ៕
ប្រែសម្រួល ឈូក បូរ៉ា
