អាមេរិក ៖ នេះបើយោង តាមទិន្នន័យរបស់ Nasdaq បានប្រាប់ឲ្យដឹងថា ក្រុមហ៊ុនបច្ចេកវិទ្យាយក្សរបស់អាមេរិក Apple កាលពីថ្ងៃពុធបានរក្សាតំណែង ជាក្រុមហ៊ុនដ៏មានតម្លៃបំផុតលើពិភពលោក ជាមួយនឹងមូលធនប័ត្រ ទីផ្សារជាង ៣.៥ ពាន់ពាន់លានដុល្លារ ។
គិតត្រឹមម៉ោង ១៨:៣០ នាទី ភាគហ៊ុន របស់អ្នកផលិត iPhone កំពុងជួញដូរកើនឡើង ១.៤ភាគរយ ជិត ២៣២ ក្នុងមួយហ៊ុនធ្វើឲ្យតម្លៃទីផ្សារ របស់ខ្លួនដល់ទៅ ៣.៥៤៣ ពាន់ពាន់លានដុល្លារ ដែលជាក្រុមហ៊ុនជួញដូរសាធារណៈ ខ្ពស់បំផុតមិនធ្លាប់មាន។ កំណត់ត្រាពីមុនជា របស់គូប្រជែងបច្ចេកវិទ្យាយក្ស Microsoft តម្លៃទីផ្សារបិទខ្ពស់បំផុត គឺ ៣.៤៧៥ ពាន់ពាន់លានដុល្លារនៅថ្ងៃទី ៥ ខែកក្កដា។
នេះមិនមែនជាការវាយតម្លៃ បំបែកកំណត់ត្រាដំបូងឡើយសម្រាប់ក្រុមហ៊ុន Apple ឡើយ។ កាលខែសីហា ឆ្នាំ ២០១៨ វាបានក្លាយជាក្រុមហ៊ុនដំបូងគេ ឈានដល់ទីផ្សារមូលធន ១ ពាន់ពាន់លានដុល្លារ។ ពីរឆ្នាំក្រោយមក វាគឺ ជាដំបូងគេបានឈានដល់ ២ ពាន់ពាន់លានដុល្លារ ហើយបន្ទាប់មកកាលពីខែមិថុនា ឆ្នាំមុនវាបានឈានដល់ ៣ ពាន់ពាន់លានដុល្លារ។
ភាគហ៊ុន របស់ក្រុមហ៊ុន Apple មានការចាប់ផ្តើមដ៏លំបាកនៅឆ្នាំនេះ ចំពេលមានការព្រួយ បារម្ភអំពីភាពទន់ខ្សោយ នៃការលក់ iPhone និងការប្រកួតប្រជែង ពីក្រុមហ៊ុន បច្ចេកវិទ្យាផ្សេងទៀតបណ្តាល ឲ្យមានការទម្លាក់ចំណាត់ ថ្នាក់អ្នកវិភាគមួយចំនួន។ ក្រុមហ៊ុនបានបាត់បង់តំណែង របស់ខ្លួនជាក្រុមហ៊ុនដ៏មានតម្លៃបំផុត លើពិភពលោកទៅឲ្យក្រុមហ៊ុន Microsoft កាលខែមករា បន្ទាប់ពីការដាក់ចេញនូវលក្ខណៈពិសេស AI មួយចំនួនកាលពីឆ្នាំមុន។
ចំណែកក្រុមហ៊ុនក្រុមហ៊ុនបច្ចេកវិទ្យាយក្សទាំង ២ បានជាប់គាំង ក្នុងតម្លៃទីផ្សារកាលពីខែមុន ខណៈ ក្រុមហ៊ុន Apple មានឱកាសរយៈពេលខ្លីនៅដើម ខែមិថុនា មុនពេលធ្លាក់ចំណាត់ថ្នាក់ នៅពីក្រោយ Microsoft ម្តងទៀត ។
ទោះជាយ៉ាងណាក៏ដោយ ភាគហ៊ុនរបស់ក្រុមហ៊ុន Apple បានចាប់ផ្តើមកើនឡើងយ៉ាងឆាប់រហ័ស បន្ទាប់ពីក្រុមហ៊ុនបានដាក់បង្ហាញ ‘Apple Intelligence’ ជាមុខងារ AI ថ្មីរបស់ខ្លួន នៅថ្ងៃទី ១០ ខែមិថុនា។ លក្ខណៈពិសេសរួមមានភាពជាដៃគូជាមួយ OpenAI ហើយនឹងត្រូវបានបន្ថែម ទៅកំណែថ្មី នៃប្រព័ន្ធប្រតិបត្តិការ iOS 18 របស់ Apple និង ទូរស័ព្ទ iPhone 16 ដែលរំពឹងទុកយ៉ាងខ្លាំង ៕
