ឥណ្ឌា ៖ យោងតាមការចេញផ្សាយ ពីគេហទំព័រ RTបានប្រាប់ឲ្យដឹងថា ក្រុមហ៊ុន Tata Electronics របស់ឥណ្ឌា បានចាប់ផ្តើមសាងសង់ រោងចក្រផលិតគ្រឿងអេឡិចត្រូនិកថ្មីតម្លៃ ៣.២ ពាន់លានដុល្លារ ត្រូវបានគេរំពឹងថា នឹងបង្កើតការងារមនុស្សចំនួន ២៧,០០០នាក់ ។
ក្រសួងអេឡិចត្រូនិច និងបច្ចេកវិទ្យាព័ត៌មាន របស់ប្រទេសឥណ្ឌាបាននិយាយថា រោងចក្រនេះ នឹងមានទីតាំងនៅរដ្ឋ Assam ដែលជារដ្ឋធំជាងគេនៅ ភាគឦសាន របស់ប្រទេសឥណ្ឌា ហើយនឹងផលិតបន្ទះឈីបជាង ៤៨ លានបន្ទះក្នុងមួយថ្ងៃ ដោយប្រើបច្ចេកវិទ្យា ដែលបានអភិវឌ្ឍក្នុងស្រុក។
ប្រធានក្រុមហ៊ុន Tata លោក N. Chandrasekaran បាននិយាយក្នុងពិធី ‘bhumi pujan’ (ពិធីសាសនាហិណ្ឌូ បានធ្វើឡើងមុនការសាងសង់ សម្រាប់រោងចក្រនេះថា រោងចក្រនេះ បានជួលកន្លែងប្រហែល ១,០០០ រួចហើយសម្រាប់គម្រោងនេះ ។ លោកបានបន្តថា រោងចក្រនេះ ត្រូវបានគេរំពឹងថា នឹងបង្កើត ការងារដោយផ្ទាល់ពី ១៥,០០០ និង ១១,០០០ ទៅ ១៣,០០០ ការងារដោយប្រយោល នៅពេលវាបើក។
សេចក្តីប្រកាសព័ត៌មានមួយ ក្រុមហ៊ុន Tata បានពន្យល់ថា បន្ទះឈីបនេះនឹងត្រូវបានប្រើប្រាស់ក្នុងរថយន្ត ឧបករណ៍ចល័ត បញ្ញាសិប្បនិមិត្ត (AI) និងផ្នែកសំខាន់ៗផ្សេងទៀត ដើម្បីបម្រើអតិថិជន ទូទាំងពិភពលោក។ ការផ្លាស់ប្តូរនេះត្រូវបានគេមើលឃើញថា ជាការជំរុញដ៏សំខាន់មួយ សម្រាប់តំបន់ភាគឦសាន នៃប្រទេសឥណ្ឌា។ រួមមានរដ្ឋចំនួន៨ វាបានដើរយឺតជាងផ្នែកផ្សេងទៀត នៃប្រទេសឥណ្ឌាក្នុងការបង្កើតឱកាសការងារ។
ជម្លោះជាតិសាសន៍ និងអស្ថិរភាពនយោបាយ ក្នុងរដ្ឋមួយចំនួននៅតំបន់នេះបានរំខាន ដល់សកម្មភាពសេដ្ឋកិច្ច និងរារាំងការវិនិយោគ។ ជាងនេះទៅទៀត ភាពឯកោនៃភូមិសាស្រ្ត និងតំបន់ដែលមានបញ្ហាប្រឈមនៅតំបន់ តភ្ជាប់ទៅប្រទេសផ្សេងទៀត ដោយច្រករបៀងប្រវែង ២០ គីឡូម៉ែត្រ បានរឹតបន្តឹងការតភ្ជាប់ និងការអភិវឌ្ឍន៍ហេដ្ឋារចនាសម្ព័ន្ធ ៕
