បរទេស ៖ យោងតាមការចេញផ្សាយរបស់ RT មហាសេដ្ឋី Elon Musk បានបង្ហាញពីឆន្ទៈក្នុងការកាន់ តំណែងជាមួយរដ្ឋាភិបាល សហរដ្ឋអាមេរិក ប្រសិនបើបេក្ខជនមក ពីគណបក្សសាធារណរដ្ឋ លោក Donald Trump ជាប់ឆ្នោតជាប្រធានាធិបតី ។
បេក្ខភាពប្រធានាធិបតី លេចធ្លោជាងគេគឺលោក Donald Trump ថ្មីៗនេះបានស្នើថាគាត់អាចផ្តល់ឱ្យ Musk នូវតួនាទីប្រឹក្សានៅក្នុង រដ្ឋបាលរបស់គាត់។
បន្ទាប់ពីមានការប៉ុនប៉ងធ្វើឃាត លើលោក Trump កាលពីខែមុន លោក Musk បានគាំទ្រជាសាធារណៈ នូវបេក្ខភាពរបស់គាត់ ដោយសរសេរនៅលើ X ថា៖ខ្ញុំគាំទ្រយ៉ាងពេញ ទំហឹងចំពោះប្រធានាធិបតី Trump ហើយសង្ឃឹមសម្រាប់ការជា សះស្បើយ យ៉ាងឆាប់រហ័សរបស់គាត់ ។
អ្នកជំនួញរូបនេះបានប្រកាន់ ជំហររិះគន់កាន់តែខ្លាំងឡើង ចំពោះប្រធានាធិបតីប្រជាធិបតេយ្យ Joe Biden ក្នុងប៉ុន្មានខែថ្មីៗនេះ ។
កាលពីសប្តាហ៍មុន Musk បានធ្វើបទសម្ភាសន៍ផ្ទាល់ជាមួយ Trump នៅលើវេទិកា X ដែលគាត់ជាអ្នករៀបចំកម្មវិធីនេះ។ នៅចំណុចមួយក្នុងអំឡុងពេលសន្ទនា លោក Musk បានអំពាវនាវឱ្យប្រធានាធិបតី សង្ឃឹមថានឹងបង្កើតគណៈកម្មាការ ប្រសិទ្ធភាពរបស់រដ្ឋាភិបាល ដើម្បីធានាថាប្រាក់អ្នក ជាប់ពន្ធត្រូវបានចំណាយកាន់តែប្រសើរហើយ គាត់ក៏បានស្នើឱ្យជួយ ជាមួយនឹងការខិតខំប្រឹងប្រែងបែបនេះ ដែល Trump បានឆ្លើយតបថា Musk នឹងល្អសម្រាប់តួនាទីនេះខ្លាំងបំផុត៕
ប្រែសម្រួល៖ស៊ុនលី
