តូក្យូ ៖ ក្រុមស្រាវជ្រាវមួយបាន និយាយកាលពីថ្ងៃពុធថា ស្ត្រីជនជាតិជប៉ុនអាយុ ១១៦ ឆ្នាំម្នាក់ដែលធ្លាប់ជាអ្នកឡើងភ្នំ ត្រូវបានគេកំណត់ឲ្យជាប់ឈ្មោះ ជាមនុស្សចាស់ជាងគេ លើពិភពលោកដោយកំណត់ត្រាពិភពលោក Guinness បន្ទាប់ពីការស្លាប់របស់ស្ត្រីជនជាតិ អេស្ប៉ាញអាយុ ១១៦ ឆ្នាំម្នាក់កាលពីដើមសប្តាហ៍នេះ យោងតាមការចេញផ្សាយ ពីគេហទំព័រ Japan Today ។
ក្រុមស្រាវជ្រាវ Gerontology ដែលមានមូលដ្ឋាននៅអាមេរិកបាននិយាយថា លោកយាយ Tomiko Itooka កើតនៅថ្ងៃទី ២៣ ខែឧសភា ឆ្នាំ ១៩០៨ រស់នៅ ក្នុងខេត្ត Hyogo ទីក្រុង Ashiya ភាគខាងលិចប្រទេសជប៉ុន។
យោងតាមក្រុមនេះបានឲ្យដឹងថា លោកយាយស្ថិតក្នុងជួរបន្ទាប់សម្រាប់តំណែងជាមនុស្សចាស់ជាងគេលើពិភពលោក បន្ទាប់ពីលោកយាយ Maria Branyas Morera បានទទួលមរណភាពនៅផ្ទះគិលានុប្បដ្ឋាកអេស្ប៉ាញកាលពីថ្ងៃចន្ទ។
ក្រុមស្រាវជ្រាវបាននិយាយថា ក្នុងវ័យ ៧០ ឆ្នាំ លោកយាយ Itooka ជារឿយៗបានឡើងភ្នំ ហើយធ្វើមាត្រដ្ឋាន ២ ដងលើភ្នំ Ontake របស់ប្រទេសជប៉ុន មានកម្ពស់ ៣,០៦៧ ម៉ែត្រ ដែលធ្វើឲ្យអ្នកណែនាំ របស់លោក យាយភ្ញាក់ផ្អើល ដោយការឡើងភ្នំដោយពាក់ស្បែក ជើងប៉ាតាជំនួសឲ្យស្បែកជើងឡើងភ្នំ។
ក្រុមបានបន្ថែមថា នៅអាយុ ១០០ ឆ្នាំ លោកយាយបានដើរឡើង លើជំហានថ្មដ៏វែងនៃទីសក្ការបូជា Ashiya របស់ប្រទេសជប៉ុន៕
