ចិន ៖ យោងតាមការចេញផ្សាយពីគេហទំព័រ China Daily បាននិយាយថា អាចម៍ផ្កាយ 2024 RW1 កំពុងស្ថិតដំណើរចូលក្នុងបរិយាកាសផែនដី និងឆេះនៅចម្ងាយ ២៥ គីឡូម៉ែត្រ នៅលើប្រទេសហ្វីលីពីនកាលពីថ្ងៃទី ៥ ខែកញ្ញា ហើយជាថ្ងៃ ដែលប្រទេសចិន បានប្រកាសផែនការការពារ អាចម៍ផ្កាយរបស់ខ្លួន បានបង្ហាញឲ្យឃើញពីភាពចាំបាច់ និងការអនុវត្តជាក់ស្តែងនៃផែនការនេះ ។
វាជាការពិតណាស់ ចំពោះហានិភ័យ នៃអាចម៍ផ្កាយដែលបណ្តាល ឲ្យខូចខាតមានកម្រិតទាបគួរឲ្យកត់សម្គាល់ ដោយសារតែពួកវាភាគច្រើនឆេះភ្លាមៗ បន្ទាប់ពីចូលទៅក្នុងបរិយាកាស ទោះយ៉ាងណាក៏ដោយ ប្រសិនបើអាចម៍ផ្កាយមួយធ្លាក់មកផែនដីអាចបង្កគ្រោះមហន្តរាយលើមនុស្សជាតិ។
យ៉ាងណាមិញ ឥទ្ធិពលនៃអាចម៍ផ្កាយមួយ នៅលើឈូងសមុទ្រម៉ិកស៊ិកប្រហែល ៦៥ លានឆ្នាំមុនត្រូវបានគេជឿថា បានសម្លាប់សត្វដាយណូស័រ ហើយថ្មីៗនេះនៅឆ្នាំ ១៩០៨ អាចម៍ផ្កាយមួយបានធ្លាក់នៅ Tunguska ក្នុងស៊ីបេរីបានបង្កឲ្យមានភ្លើងឆេះព្រៃដោយបានបំផ្លាញដើមឈើប្រហែល ៨០ លានដើមក្នុងទំហំផ្ទៃដី ២,០០០ គីឡូម៉ែត្រការ៉េ ។
មុនការមកដល់បច្ចេកវិទ្យាទំនើប គ្មានវិធីណាអាចដឹងថា អាចម៍ផ្កាយណាមានគ្រោះថ្នាក់ ឬរបៀបការពារខ្លួនពីពួកវាទេ បើទោះបីជាយើងដឹងក៏ដោយ។ ទោះបីជាយ៉ាងណាក៏ដោយ ដោយមានជំនួយពីតេឡេស្កុបទំនើបថ្មី និងភាពជឿនលឿន ក្នុងវិស័យទូរគមនាគមន៍ ឥឡូវនេះវាអាចធ្វើទៅបាន ដើម្បីរក្សាការប្រុងប្រយ័ត្នលើលំហរ ដើម្បីការពារខ្លួនយើងពីគ្រោះថ្នាក់ ដែលអាចកើតមាន ។
សូម្បីតែរដ្ឋបាលអាកាសចរណ៍ និងអវកាសជាតិរបស់អាមេរិក ក៏ត្រៀមខ្លួនសម្រាប់បញ្ហា ប្រឈមនានាពីទីនោះដែរ ។ កាលខែកញ្ញា ឆ្នាំ ២០២២ អាមេរិកបានបើកដំណើរការបេសកកម្មតេស្ត Double Asteroid Redirection Test ដែលយានអវកាសមួយត្រូវបានបង្កើតឡើងដើម្បីបុកអាចម៍ផ្កាយ Dimorphos ដើម្បីបង្វែរទិសដៅរបស់វា។ បេសកកម្ម Hera របស់ទីភ្នាក់ងារអវកាសអឺរ៉ុប ដែលចាប់ផ្តើមនៅខែតុលា នឹងសិក្សាពីប្រព័ន្ធអាចម៍ផ្កាយពីរ Didymos និងផលប៉ះពាល់របស់ DART លើ Dimorphos ។
ប្រទេសចិនបានចូលរួម ជាមួយបណ្តាញ ព្រមានអាចម៍ផ្កាយអន្តរជាតិក្នុងឆ្នាំ ២០១៨ ហើយកំពុងតាមដានអាចម៍ផ្កាយ បានដំណើរលើមេឃ លើប្រទេសហ្វីលីពីន ។ ប្រទេសចិនដែលមានបច្ចេកវិទ្យាទំនើបជាងនេះ មានឆន្ទៈរួមដៃ ជាមួយមិត្តជុំវិញពិភពលោក ដើម្បីការពារផែនដីពីអាចម៍ផ្កាយ៕
