ឥណ្ឌា ៖ យោងតាមការចេញ ផ្សាយពីគេហទំព័រ RTបានប្រាប់ឲ្យដឹងថា ទីក្រុងញូវដែលីកំពុងស៊ើបអង្កេតក្រុមហ៊ុន Netflix ដែលReuters បានរាយការណ៍កាលពីថ្ងៃអាទិត្យ ដោយដកស្រង់អ៊ីម៉ែលផ្ញើ ដោយការិយាល័យរដ្ឋាភិបាល ទៅអតីតនាយកប្រតិបត្តិ ក្រុមហ៊ុនកាលពីខែកក្កដា។
អ៊ីម៉ែលនេះត្រូវបានគេរាយការណ៍ថា បានផ្ញើដោយការិយាល័យ ចុះឈ្មោះតំបន់ជនបរទេស នៃទីក្រុងញូវដេលី (FRRO) ជាអាជ្ញាធរក្រោមក្រសួងមហាផ្ទៃ ទៅកាន់ Nandini Mehta ដែលជាអតីតនាយកផ្នែកជំនួញ និងកិច្ចការច្បាប់របស់ក្រុមហ៊ុន ស្ទ្រីមអាមេរិកសម្រាប់ប្រទេសឥណ្ឌា ។ វាកត់សម្គាល់ថា រដ្ឋាភិបាលឥណ្ឌាមានការព្រួយ បារម្ភអំពីការរំលោភលើទិដ្ឋាការ និងពន្ធទាក់ទងនឹងប្រតិបត្តិការ Netflix ក្នុងប្រទេស។
Reuters បានកត់សម្គាល់ថា យើងបានទទួលព័ត៌មានលម្អិតមួយ ចំនួនលើបញ្ហានេះទាក់ទងនឹង ការប្រព្រឹត្តរបស់ក្រុមហ៊ុន ដែលបានចែង ការបំពានទិដ្ឋាការ រចនាសម្ព័ន្ធខុសច្បាប់ ការគេចពន្ធ និងការប្រព្រឹត្តមិនត្រឹមត្រូវផ្សេងទៀត រួមទាំងការរើសអើងពូជសាសន៍ ដែលក្រុមហ៊ុនបានជាប់ពាក់ព័ន្ធខណៈពេលដែលកំពុងធ្វើអាជីវកម្មក្នុងប្រទេសឥណ្ឌា” ។
នាង Mehta បានចាកចេញពីក្រុមហ៊ុនក្នុងឆ្នាំ២០២០ បាននិយាយតាមរយៈអ៊ីម៉ែលថា នាងកំពុងមើល Netflix នៅអាមេរិកសម្រាប់ការចោទប្រកាន់ថា ការប្រព្រឹត្តដោយខុសឆ្គងក៏ដូចជាការរើសអើងជាតិសាសន៍ និងយេនឌ័រ ។ ក្រុមហ៊ុន Netflix បានបដិសេធការចោទប្រកាន់នេះនៅតុលាការអាមេរិក ហើយបានបញ្ជាក់ថា នាង Mehta ត្រូវបានបណ្តេញចេញ ដោយសារការប្រើប្រាស់ប័ណ្ណឥណទានសាជីវកម្មរបស់នាងម្តងហើយម្តងទៀតសម្រាប់ការចំណាយផ្ទាល់ខ្លួន។
សេវាកម្មស្ទ្រីមនៅតែឆ្លើយតប ទៅនឹងការរិះគន់នៃ ‘IC 814 – The Kandahar Hijack’ ជាកម្មវិធីមួយត្រូវបានចេញ ផ្សាយកាលពីខែមុន។ ស៊េរីនេះផ្អែកលើការប្លន់ឆ្នាំ ១៩៩៩នៃក្រុមហ៊ុនអាកាសចរណ៍ឥណ្ឌា ជើងហោះហើរ ៨១៤ ដោយក្រុមភេរវករមានមូលដ្ឋាននៅប៉ាគីស្ថាន Harkat-ul-Mujahideen បានបង្កឲ្យមានកំហឹង ចំពោះការខកខានមិន បានបង្ហាញពីអត្តសញ្ញាណភេរវករយ៉ាងច្បាស់ ៕
