អាជ្ញាធរន័រវេស ៖ យោងតាមការចេញ ផ្សាយពីគេហទំព័រ RTបានប្រាប់ឲ្យដឹងថា សត្វត្រីបាឡែន Beluga ដែលប្រព័ន្ធផ្សព្វផ្សាយ លោកខាងលិចធ្លាប់ដាក់ ស្លាកសញ្ញាថា ជា “ចារកម្មរុស្ស៊ី” ទំនងជាបានងាប់ ដោយសារការឆ្លងមេរោគ ខណៈប៉ូលីសន័រវេសបានប្រកាស ដោយច្រានចោលការសង្ស័យដំបូងថា សត្វដ៏ល្បីល្បាញត្រូវ បានបាញ់នោះ។
ថនិកសត្វសមុទ្រដែលមានរហស្សនាមថា Hvaldimir ត្រូវបានគេប្រទះឃើញងាប់នៅឈូងសមុទ្រ Risavika ភាគខាងត្បូងប្រទេសន័រវេស កាលពីចុងខែសីហា ។ ក្រុមសិទ្ធិសត្វ OneWhale និង NOAH បន្ទាប់មកបានដាក់ពាក្យបណ្តឹង ទៅប៉ូលីសន័រវេស ដោយលើកហេតុផលថា មានរន្ធរាងជារង្វង់ជាច្រើន នៅលើខ្លួនរបស់ត្រីបាឡែនបង្ហាញថា ការបាញ់ប្រហារមកលើសត្វត្រីនេះ។
ប៉ូលីសបាននិយាយកាលពីថ្ងៃសុក្រថា ទោះបីជាយ៉ាងណាក៏ដោយ ការធ្វើកោសល្យវិច័យ ដែលធ្វើឡើងដោយ វិទ្យាស្ថានបសុពេទ្យន័រវេស បានលើកឡើងថា គ្មានការលេងសើចណាមួយពាក់ព័ន្ធនឹងការស្លាប់របស់ Hvaldimir នោះទេ។
លោក Amund Preede Revheim ជាប្រធាន ផ្នែកសមុទ្រខាងជើង និងបរិស្ថាននៃប៉ូលីសនៅភាគ និរតីនៃប្រទេសន័រវេសបាននិយាយថា សត្វ Cetacean ទំនងជាបានស្លាប់ ដោយសារតែការឆ្លងបាក់តេរី ដែលកើតឡើងនៅត្រង់របួសដែលបណ្តាលមក ពីដំបងជាប់ក្នុងមាត់របស់សត្វ។
លោកបានពន្យល់ថា ចំពោះរន្ធរាងជារង្វង់លើពួកវា ដោយសារសត្វស្លាប ដែលស៊ីគ្រោងឆ្អឹងរបស់ត្រីបាឡែន។ មន្ត្រីបានបន្តថា ដោយសារតែមិនមានអ្វីក្នុងការស៊ើបអង្កេតដើម្បីបង្ហាញថា Hvaldimir ត្រូវបានសម្លាប់ដោយខុសច្បាប់ ប៉ូលីសមើលមិនឃើញហេតុផលក្នុងការចាប់ផ្តើមការស៊ើបអង្កេតលើការ ស្លាប់របស់ត្រីបាឡែននោះទេ។ លោកបន្ថែមថា បណ្តឹងរបស់សកម្មជនត្រូវបានទម្លាក់ចោល។
លោក Revheim ក៏បានត្អូញត្អែរថា វាពិបាកសម្រាប់វិទ្យាស្ថានបសុពេទ្យន័រវេស ដើម្បីធ្វើការធ្វើកោសល្យវិច័យ ព្រោះសរីរាង្គជាច្រើនរបស់ត្រីបាឡែន រលួយខ្លាំងណាស់ ៕
