តូក្យូ ៖ រដ្ឋអាជ្ញាជប៉ុន បាននិយាយកាលពីថ្ងៃអង្គារថា ពួកគេនឹងមិនប្តឹងឧទ្ធរណ៍ ប្រឆាំងនឹងការដោះលែង អ្នកទោសប្រហារជីវិត ដែលជាប់គុកយូរជាងគេបំផុត នៅលើពិភពលោក គឺអតីតប្រដាល់ Iwao Hakamada កាលពីខែមុននោះឡើយ យោងតាមការចេញផ្សាយពីគេហទំព័រ Japan Today ។
បន្ទាប់ពីការតស៊ូដ៏យូរ ដើម្បីរកយុត្តិធម៌ដែលធ្វើឡើង ដោយប្អូនស្រីរបស់លោក តុលាការបានប្រកាសកាលពីខែមុនថា លោក Hakamada អាយុ ៨៨ ឆ្នាំគ្មានទោសពីបទឃាតកម្ម ៤ ករណី ដែលលោកបានជាប់គុកអស់រយៈពេល ៤៦ ឆ្នាំដើម្បីរង់ចាំការប្រហារជីវិត។
តុលាការនៅទីក្រុង Shizuoka នៅខាងក្រៅទីក្រុងតូក្យូ បានសម្រេចថា ប៉ូលីសបានស្វែងរកភស្តុតាង ហើយបាននិយាយថា អតីតអ្នកប្រដាល់រូបនេះ បានទទួលរងការសួរចម្លើយ បែបអមនុស្សធម៌មកលើរូបលោក មានន័យថា បង្ខំឲ្យលោកសារភាព នូវកំហុសដែលលោកមិន បានប្រព្រឹត្តិ។
លោក Hakamada ត្រូវបានកាត់ទោសជាលើកដំបូងក្នុងឆ្នាំ ១៩៨៨ ពីបទប្លន់ និងសម្លាប់ថៅកែរបស់លោក ប្រពន្ធរបស់ថៅកែ និងកូនវ័យជំទង់ ២ នាក់របស់ពួកគេ។
រដ្ឋអាជ្ញាកំពូលរបស់ប្រទេសជប៉ុន លោកស្រី Naomi Unemoto បាននិយាយក្នុងសេចក្តីថ្លែងការណ៍មួយថា ការសម្រេចចិត្តមួយត្រូវបានធ្វើឡើង ដោយមិនប្តឹងឧទ្ធរណ៍ប្រឆាំង នឹងការសម្រេចរបស់តុលាការ Shizuoka ដោយសារតែលោក Hakamada ត្រូវបានដាក់នៅក្នុងដែនកំណត់ ផ្លូវច្បាប់អស់រយៈពេលជា យូរមកហើយ” ។
លោកស្រី Unemoto បានបន្តថា យើងបានសម្រេចចិត្ត បន្ទាប់ពីការពិចារណាយ៉ាងហ្មត់ចត់ថា វាមិនសមស្របក្នុងការពន្យារ ស្ថានភាពនេះ។ ទោះជាយ៉ាងណាក៏ដោយ លោកស្រីបន្ថែមថា ព្រះរាជអាជ្ញា មានការមិនពេញចិត្តជាខ្លាំង ដែលតុលាការ Shizuoka បានរកឃើញថា ភស្តុតាងត្រូវបានប្រឌិត ដោយហៅការសន្និដ្ឋានថា មានកំហុសឆ្គង ។
តុលាការបានរកឃើញថា ប៉ូលិសបានប្រឡាក់ឈាមលើសម្លៀកបំពាក់ ដែលត្រូវបានគេចំណុចមុខ សញ្ញាដើម្បីរកឃើញនៅកន្លែងកើតហេតុ។
លោកស្រី Unemoto បានបញ្ជាក់ថា ៖ ការសម្រេចនេះគឺមិនអាចទទួលយកបានជាដាច់ខាត ហើយគួរតែត្រូវបានចាត់ទុកថាសក្ដិសម នៃការប្តឹងឧទ្ធរណ៍ ៕
