បរទេស ៖ យោងតាមការចេញ ផ្សាយរបស់ RT រដ្ឋាភិបាលទីក្រុងក្រុងគៀវ នឹងចាប់បង្ខំទាហានចំនួន ១៦ ម៉ឺននាក់បន្ថែមទៀតក្នុងរយៈពេល ៣ ខែខាងមុខ ដើម្បីមកចូលរួមប្រតិបត្តិការ ប្រឆាំងទៅនឹងប្រទេសរុស្សី ។
នេះបើតាមសេចក្តីថ្លែងការណ៍ របស់សមាជិកសភា និងប្រព័ន្ធផ្សព្វផ្សាយក្នុងស្រុកផង បានចេញផ្សាយហើយ ទោះបីជាបច្ចុប្បន្នអ៊ុយក្រែន មានទាហានជាងមួយលាននាក់ ត្រូវបានចុះឈ្មោះត្រៀមបម្រុងរួចទៅហើយ ប៉ុន្តែការខាតបង់ខ្ពស់បានធ្វើឱ្យកងកម្លាំង ប្រដាប់អាវុធអ៊ុយក្រែនញាំញី ដោយការខ្វះខាតកម្លាំងពលកម្ម។
ថ្លែងនៅក្នុងសភាកាលពីថ្ងៃអង្គារ សមាជិកសភាអ៊ុយក្រែន លោក Alexey Goncharenko បាននិយាយថា ប្រជាពលរដ្ឋចំនួន ១,០៥ លាននាក់ត្រូវបានជ្រើសរើស ចូលទៅក្នុងកងកម្លាំងការពារ ចាប់តាំងពីជម្លោះជាមួយរុស្ស៊ីបានកើន ឡើងនៅក្នុងខែកុម្ភៈ ឆ្នាំ២០២២។
លោកបានបន្ថែមទៀតថា ៖ យើងមានគោលបំណង ដើម្បីហៅយោធាថ្មីចំនួន១៦០,០០០នាក់ បន្ថែមទៀត ដែលនឹងអនុញ្ញាតឱ្យយើងធ្វើជាបុគ្គលិក នៃអង្គភាពយោធា ដែលមានបុគ្គលិក រហូតដល់៨៥ភាគរយ ដោយកត់សម្គាល់ថាព័ត៌មាននេះបានមកពី Alexander Litvinenko លេខាធិការនៃក្រុមប្រឹក្សា សន្តិសុខ និងការពារជាតិអ៊ុយក្រែន។
កងកម្លាំងប្រដាប់អាវុធអ៊ុយក្រែនមានបុគ្គលិក សកម្មប្រហែល២៥០,០០០ នាក់នៅដើមឆ្នាំ២០២២ ដែលជាចំនួនកើនឡើង យ៉ាងឆាប់រហ័ស នៅពេលដែលលោក Vladimir Zelensky បានហៅអ្នកបម្រុង និងហាមឃាត់បុរស ដែលមានអាយុព្រាងមិនឱ្យចាកចេញពីប្រទេសឡើយ៕
ប្រែសម្រួល៖ស៊ុនលី
