វ៉ាស៊ីនតោន ៖ អាណត្តិដំបូង សម្រាប់សេតវិមាន របស់លោក Donald Trump បានឃើញសង្រ្គាមពាណិជ្ជកម្ម ដ៏ជូរចត់ជាមួយ ប្រទេសចិន ដែលបានបន្សល់ទុកនូវផលប៉ះពាល់ ដ៏យូរអង្វែងដល់កសិករ ហើយមនុស្សជាច្រើនកំពុង ប្រឈមមុខនឹងការធ្លាក់ចុះបន្ថែមទៀត នៅពេលប្រធានាធិបតីជាប់ឆ្នោត បានគំរាមកំហែងការយក ពន្ធខ្ពស់លើទីក្រុង ប៉េកាំង យោងតាមការចេញផ្សាយពីគេហទំព័រ Japan Today ។
ពន្ធគយរបស់លោក Trump ចាប់តាំងពីឆ្នាំ ២០១៨ បានធ្វើឲ្យរងផលប៉ះពាល់ដល់ការនាំចូលរបស់ចិនប្រហែល ៣០០ ពាន់លានដុល្លារ ដែលបង្កឲ្យមានការសងសឹកផ្តោតលើផលិតផលកសិកម្មសំខាន់ៗដូចជា សណ្តែកសៀង និងបណ្តាលឲ្យការនាំចេញធ្លាក់ចុះ ។ កសិករអាមេរិកពឹងផ្អែកលើការឧបត្ថម្ភធន ដើម្បីទទួលបាននៅពេលនោះ ហើយនិយាយថា ចាប់តាំងពី ពេលនោះមក ប្រទេសចិនបានកាត់បន្ថយការ ពឹងផ្អែករបស់ខ្លួនលើផលិត ផលកសិកម្មរបស់អាមេរិក ។
លោក Trump បានស្នើដំឡើងពន្ធលើការនាំចូលទាំងអស់នៅពេលនេះ ជាមួយនឹងអត្រាខ្ពស់ជាពិសេសលើប្រទេសចិន ដែលធ្វើឲ្យម្ចាស់កសិដ្ឋាន ជាច្រើនមានការ រំជើបរំជួល ចំពោះការវិលត្រឡប់ ទៅរកភាពតានតឹងពាណិជ្ជកម្មវិញ។ ប៉ុន្តែរឿងនេះកើតឡើង សូម្បីតែគណបក្សសាធារណៈរដ្ឋរបស់លោក Trump បានឃើញការគាំទ្រយ៉ាង ទូលំទូលាយនៅតំបន់ជនបទក្នុងអំឡុង ពេលបោះឆ្នោតឆ្នាំនេះ ដោយមានកសិករជាច្រើនបានគាំទ្រគាត់ បើទោះបីជាមានផល ប៉ះពាល់ផ្នែក ហិរញ្ញវត្ថុ ក្នុងសង្គ្រាមពាណិជ្ជកម្មក៏ដោយ ក្នុងនោះក្តីសង្ឃឹមគឺ សម្រាប់លក្ខខណ្ឌសេដ្ឋកិច្ចប្រសើរឡើង។
លោក Ted Winter កសិដ្ឋាននៅរដ្ឋ Minnesota ដាំពោត និង សណ្តែកសៀងបាននិយាយថា មិនមានលុយបង់ វិក្កយបត្រទេ គ្មានលុយសម្រាប់ចិញ្ចឹមជីវិតពិតប្រាកដទេ ។ ចំណែកក្រសួង កសិកម្ម (USDA) បានរកឃើញថា ពន្ធសងសឹកលើ សហរដ្ឋអាមេរិក បានបណ្តាលឲ្យមានការខាតបង់ច្រើនជាង ២៧ ពាន់លានដុល្លារក្នុងការ នាំចេញកសិផលរបស់អាមេរិក ចាប់ពីពាក់កណ្តាលឆ្នាំ ២០១៨ ដល់ចុងឆ្នាំ ២០១៩។
ប្រទេសចិនមានចំនួនប្រហែល ៩៥ ភាគរយនៃតម្លៃ ដែលបានបាត់បង់ ។ ជាពិសេសសណ្តែកសៀងបានបង្កើតជិត ៧១ ភាគរយនៃការខាតបង់ ពាណិជ្ជកម្មសរុប ដោយប្រេស៊ីលទទួល បានការបាត់បង់ពាណិជ្ជកម្មភាគច្រើន។
USDA ប៉ាន់ប្រមាណថា វិស័យកសិកម្ម និងឧស្សាហកម្ម ដែលពាក់ព័ន្ធបានរួមចំណែក ៥.៦ ភាគរយដល់ GDP ក្នុងឆ្នាំ ២០២៣ ខណៈការងារផ្ទាល់ នៅកសិដ្ឋាន មានការងារ ២.៦ លានគិតត្រឹមប៉ុន្មានឆ្នាំថ្មីៗនេះ។
ការនាំចេញកសិដ្ឋាន របស់អាមេរិក ទៅកាន់ប្រទេសចិន បានស្ទុះងើបឡើងវិញ បន្ទាប់ពីទីក្រុងវ៉ាស៊ីនតោន និងទីក្រុងប៉េកាំងឈាន ដល់បទឈប់បាញ់ សង្គ្រាមពាណិជ្ជកម្មនៅឆ្នាំ ២០២០ មួយឆ្នាំបន្ទាប់ពីកិច្ចព្រមព្រៀងនោះ ចំណែកទីផ្សារអាមេរិក នៅតែទាបជាងកម្រិត ដែលមើលឃើញមុន ពេលពន្ធសងសឹកត្រូវបានអនុម័ត៕
