តូក្យូ ៖ ទិន្នន័យផ្លូវការបានបង្ហាញកាលពីថ្ងៃពុធថា ប្រទេសជប៉ុន បានស្វាគមន៍ភ្ញៀវទេសចរចំនួន ៣.៣១ លាននាក់កាលពីខែមុន ខណៈប្រាក់យ៉េនទន់ខ្សោយ បានជំរុញឲ្យមានការរីកដុះដាល នៃវិស័យទេសចរណ៍ដែលកំពុងហូរចូលថវិការបស់ប្រទេសមួយនេះ យោងតាមការចេញផ្សាយពីគេហទំព័រ Japan Today ។
ទិន្នន័យពីអង្គការទេសចរណ៍ជាតិជប៉ុន (JNTO) បានបង្ហាញថា ចំនួនភ្ញៀវបរទេសសម្រាប់អាជីវកម្ម និងការកម្សាន្តបានកើនឡើងពី ២.៨៧ លាននាក់ក្នុងខែកញ្ញា ហើយលើសពីកំណត់ត្រាប្រចាំខែ មុនចំនួន ៣.២៩ លាននាក់ដែលបានកំណត់ក្នុងខែកក្កដា ។
គិតត្រឹមខែតុលា ភ្ញៀវទេសចរប្រហែល ៣០.២ លាននាក់បានមកដល់ប្រទេសជប៉ុន ធ្វើឲ្យប្រទេសនេះនឹងកំណត់ត្រាប្រចាំឆ្នាំ ៣១.៩ លាននាក់ដែលបានកំណត់ក្នុងឆ្នាំ 2019 មុនពេលជំងឺរាតត្បាត COVID-19 បិទព្រំដែនពិភពលោក។
JNTO បាននិយាយថា ពណ៌ស្លឹករដូវស្លឹកឈើជ្រុះដ៏ល្បីល្បាញ របស់ប្រទេសជប៉ុនបានរួមចំណែកដល់ការកើនឡើង តម្រូវការទេសចរណ៍កាលពីខែមុនពីទីផ្សារជាច្រើននៅទូទាំងអាស៊ី អឺរ៉ុប និងអាមេរិកខាងជើង។ គិតត្រឹមខែតុលា ប្រទេស និងតំបន់ចំនួន ១១ បានកើនលើសកំណត់ត្រាប្រចាំឆ្នាំ សម្រាប់ការបញ្ជូនភ្ញៀវទេសចរទៅកាន់ប្រទេសជប៉ុន។
អ្នកធ្វើដំណើរបានចំណាយប្រាក់ ៥.៨៦ ពាន់ពាន់លានយ៉េនក្នុងប្រទេសជប៉ុនរហូតដល់ខែកញ្ញានៃឆ្នាំនេះ ជាតួលេខបឋមបានបង្ហាញកាលពីខែមុន។ នោះបានកើនដល់ ៥.៣ ពាន់ពាន់លានយ៉េន ដែលពួកគេបានចំណាយក្នុងឆ្នាំ ២០២៣ ជាកំណត់ត្រាសម្រាប់រយៈពេល ១២ ខែណាមួយ។
ការចំណាយលើវិស័យទេសចរណ៍ ត្រូវបានចាត់ថ្នាក់ថា ជាការនាំចេញក្នុងគណនីជាតិ នឹងក្លាយទៅជាវិស័យនាំចេញធំបំផុតទី២ របស់ប្រទេសជប៉ុន បន្ទាប់ពីរថយន្ត និងនាំមុខផ្នែកអេឡិចត្រូនិច ៕
