ស្ត្រីថៃ ត្រូវកាត់ទោស ប្រហារជីវិត លើករណីឃាតកម្ម ប្រើប្រាស់សារធាតុស៊ីយ៉ាន សម្លាប់មិត្តភ័ក្តិ ដោយសារញៀន ល្បែងអនឡាញ

ថៃ ៖ ស្ត្រីជនជាតិថៃម្នាក់ ត្រូវបានគេជឿថា ជាឃាតករសៀរៀលដ៏អាក្រក់បំផុត ក្នុងប្រវត្តិសាស្ត្រ របស់ព្រះរាជាណាចក្រថៃ ត្រូវបានកាត់ទោសប្រហារជីវិត កាលពីថ្ងៃពុធ ពីបទបំពុលមិត្តភ័ក្តិ ជាមួយសារធាតុស៊ីយ៉ានុត នៃការកាត់ក្តីលើកដំបូង ក្នុងចំណោមការកាត់ក្តីឃាតកម្មចំនួន ១៤ លើករបស់ នាងយោងតាមការ ចេញផ្សាយពីគេហទំព័រ VN Express ។

នាង Sararat Rangsiwuthaporn អាយុ ៣៦ ឆ្នាំ ជាអ្នកញៀនល្បែងអនឡាញ ត្រូវបានចោទប្រកាន់ ពីបទឆបោកប្រាក់រាប់ពាន់ដុល្លារពីជនរងគ្រោះ មុនពេលសម្លាប់ពួកគេ ដោយសារធាតុគីមី ។ តុលាការក្រុងបាងកកបានកាត់ទោស នាងកាលពីថ្ងៃពុធពីបទបំពុល សម្លាប់មិត្តភ័ក្តិរបស់នាង គឺនាង Siriporn Kanwong ។

អ្នកទាំង ២ នាក់បានជួបគ្នានៅជិតទីក្រុងបាងកក កាលពីខែមេសាឆ្នាំមុន ដើម្បីលែងត្រីចូលក្នុង ទន្លេ Mae Klong ជាផ្នែកនៃពិធីសាសនាព្រះពុទ្ធរបស់ប្រទេសថៃ ហើយនៅពេលនោះនាង Siriporn ក៏បានដួល និងស្លាប់ភ្លាមៗ ហើយអ្នកស៊ើបអង្កេត បានរកឃើញសារធាតុស៊ីយ៉ានុតក្នុងខ្លួនរបស់ជនរងគ្រោះ។

ប៉ូលីសបាននិយាយថា បន្ទាប់មកប៉ូលីសបានដាក់ការសង្ស័យទៅលើនាង Sararat ចំពោះការពុលប្រើប្រាស់សារធាតុស៊ីយ៉ានុតមិនបានដោះស្រាយពីមុននឹងត្រឡប់មកវិញរហូតដល់ឆ្នាំ ២០១៥ ។

ប៉ូលីសបានបន្តថា នាង Sararat ជាមនុស្សញៀនល្បែងអនឡាញយ៉ាងខ្លាំង ដូចនេះនាងតែងតែងខ្ចីប្រាក់ពីជនរងគ្រោះក្នុងមួយម្តងរហូតដល់ ៣០០,០០០ បាត (ជិត ៩,០០០ ដុល្លារ) មុនពេលសម្លាប់ពួកគេ និងលួចគ្រឿងអលង្ការ និងទូរស័ព្ទដៃរបស់ពួកគេ។

នាង Sararat ប្រឈមមុខនឹងការកាត់ទោសឃាតកម្មចំនួន ១៣ ករណី ដាច់ដោយឡែកពីគ្នា ហើយត្រូវបានចោទប្រកាន់ពីបទល្មើសសរុបប្រហែល ៨០ទៀត ។ មេធាវីសម្រាប់គ្រួសារជន រងគ្រោះបាននិយាយថា អតីតស្វាមីរបស់នាង ជាវរសេនីយ៍ទោប៉ូលីស ត្រូវបានផ្តន្ទាទោសឲ្យជាប់ពន្ធនាគារ ១៦ ខែ និងអតីតមេធាវីរបស់នាងចំនួន ២ ឆ្នាំសម្រាប់ភាពស្មុគស្មាញ ក្នុងការសម្លាប់នាង Siriporn ។

ប្រទេសថៃបានក្លាយជាកន្លែង នៃករណីឧក្រិដ្ឋកម្មដ៏គួរឲ្យរន្ធត់ និងល្បីល្បាញជាច្រើន ។ កាលពីដើមឆ្នាំនេះ ជនបរទេសចំនួន ៦ នាក់ត្រូវបានគេរកឃើញស្លាប់ នៅសណ្ឋាគារដ៏ប្រណិតមួយ ក្នុងទីក្រុងបាងកក បន្ទាប់ពីមានការពុលសារធាតុស៊ីយ៉ានុត ត្រូវគេជឿថា ជាប់ពាក់ព័ន្ធនឹងបំណុល ដែលមានតម្លៃរាប់លានបាត៕