រថយន្តទំនើបចំនួន ៣១ គ្រឿងកំពូលអ្នកបោកតាមអនឡាញត្រូវបានរឹបអូសក្នុងឃ្លាំងស្តុកទំនិញ ដ៏ធំបំផុតក្នុងប្រទេសវៀតណាម

វៀតណាម៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ប៉ូលីសវៀតណាមបានរឹបអូសរថយន្តទំនើបចំនួន៣១ គ្រឿង រួមមានរថយន្ត Porsche, Jaguar, Mercedes, Lexus, Rolls-Royce, Lamborghini និង Ferrari ជាផ្នែកមួយនៃការស៊ើបអង្កេតលើការក្លែងបន្លំភាគហ៊ុនធំបំផុតរបស់ប្រទេសវៀតណាម ដែលតារា TikToker លោក Pips បានបោកប្រាស់ជនរងគ្រោះរាប់ពាន់នាក់។

យោងតាមប៉ូលិសក្រុងហាណូយបាននិយយាថា ប៉ូលីសបានរឹបអូសទ្រព្យសម្បត្តិដែលមានតម្លៃ ៥.២ ពាន់ពាន់លានដុង (២០៥ លានដុល្លារអាមេរិក) របស់តារា TikToker លោក Pho Duc Nam ត្រូវបានគេស្គាល់ថា “Mr. Pips” និងសហការីរបស់លោកដែលត្រូវបានចោទប្រកាន់ពីបទបោកប្រាស់អ្នកវិនិយោគរាប់ពាន់នាក់តាមរយៈសេវាកម្មភាគហ៊ុនខុសច្បាប់ ហើយនេះជាការឆបោកធំបំផុតមិនធ្លាប់មានរបស់វៀតណាម។

ក្នុងចំណោមវត្ថុដែលរឹបអូសនោះ មានរថយន្តទំនើបចំនួន ៣១គ្រឿង រួមមានរថយន្ត Porsche, Jaguar, Mercedes, Lexus, Rolls-Royce និងផ្សេងៗទៀតដែលមានតម្លៃរាប់រយពាន់លានដុង (១០០ពាន់លានដុងស្មើនឹង ៣.៩លានដុល្លារ)។ រថយន្តដែលមានតម្លៃថ្លៃបំផុតគឺ Rolls-Royce Cullinan ពណ៌ខ្មៅមានតម្លៃប្រហែល ៤៥ ពាន់លានដុង (១.៨ លានដុល្លារ) ក្នុងប្រទេសវៀតណាម បន្ទាប់ពី ពន្ធ និងថ្លៃសេវា។

មួយទៀតគឺ Mercedes G63 ជាប្រភេទ SUV មានម៉ាស៊ីនធ្វើដោយដៃដែលមានកម្លាំង ៥៧៧ សេះ។ រថយន្ត Lamborghini Urus ពណ៌មាស តែមួយគត់ក្នុងប្រទេសវៀតណាម ។ Urus ជារថយន្តប្រើប្រាស់បែបស្ព័រដែលរួមបញ្ចូលថាមពលនៃរថយន្តស្ព័រជាមួយនឹងមុខងារជាក់ស្តែងរបស់រថយន្តប្រភេទ SUV៕