វ៉ាស៊ីនតោន ៖ ព្រឹទ្ធសភាសហរដ្ឋអាមេរិក បានបោះឆ្នោត ដើម្បីអនុម័តច្បាប់គោលនយោបាយការពារជាតិ ដែលមានតម្លៃ ៨៩៥ ពាន់លានដុល្លារ សម្រាប់ឆ្នាំសារពើពន្ធ ២០២៥ ហើយឥឡូវនេះកំពុងរង់ចាំការចុះហត្ថលេខាលើច្បាប់ដោយប្រធានាធិបតី លោក ចូ បៃដិន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ ។
ច្បាប់អនុញ្ញាតការពារជាតិឆ្នាំ២០២៥ (NDAA) ត្រូវបានអនុម័តនៅក្នុងការបោះឆ្នោត ៨៥-១៤សំឡេង ដែលលើស ពីកម្រិតសំឡេង ៦០ ដែលត្រូវការ សម្រាប់ការអនុម័ត នៅក្នុងសភាជាន់ខ្ពស់ ដែលមានសមាជិក ១០០ ។ ការចំណាយផ្នែកយោធា ដែលត្រូវបានអនុម័តនៅក្នុងច្បាប់ តំណាងឱ្យការកើនឡើង ១ ភាគរយពីតម្លៃខ្សែបន្ទាត់កំពូលកាលពីឆ្នាំមុន ដែលមានចំនួន ៨៨៦ ពាន់លានដុល្លារ។
លោក Bernie Sanders ព្រឹទ្ធសមាជិកឯករាជ្យតំណាងឱ្យរដ្ឋ Vermont បានបោះឆ្នោតប្រឆាំងនឹងច្បាប់នេះ ដោយលើកឡើងពីអ្វីដែលលោកចាត់ទុកថា ជាការចំណាយយោធាដ៏ច្រើនលើសលប់ ដែលមិនបានដោះស្រាយនូវអ្វី ដែលប្រទេសត្រូវការជាបន្ទាន់។
លោក Sanders បានឲ្យដឹង នៅក្នុងសុន្ទរកថានៅព្រឹទ្ធសភាថា “យើងមិនចាំបាច់ចំណាយប្រាក់ជិតមួយពាន់ពាន់លានដុល្លារលើវិស័យយោធានោះទេ ខណៈដែលប្រជាជនអាមេរិក កន្លះលាននាក់គ្មានផ្ទះសម្បែង កុមារស្រែកឃ្លាន និងមនុស្សចាស់មិនមានលទ្ធភាពទិញផ្ទះរបស់ពួកគេក្នុងរដូវរងារ” ។
លោកបានឲ្យដឹងក្នុងអំឡុងពេលបោះឆ្នោតតាមនីតិវិធីរបស់ព្រឹទ្ធសភាលើច្បាប់កាលពីថ្ងៃចន្ទថាសហរដ្ឋអាមេរិក “មិនត្រូវការប្រព័ន្ធការពារដែលត្រូវបានរចនាឡើង ដើម្បីបង្កើតប្រាក់ចំណេញដ៏ច្រើនសម្រាប់អ្នកម៉ៅការការពារជាតិយក្សមួយក្តាប់តូច ខណៈដែលផ្តល់តិចនូវអ្វីដែលប្រទេសត្រូវការ”។ NDAA នៅឆ្នាំនេះក៏បានអនុញ្ញាតឱ្យដំឡើងប្រាក់ខែច្រើនជាងធម្មតា សម្រាប់សមាជិកសេវាកម្ម ការកើនឡើង ១៤,៥ ភាគរយសម្រាប់កងទ័ព ដែលមានឋានៈទាបបំផុត និងការកើនឡើង ៤,៥ ភាគរយសម្រាប់កងកម្លាំងប្រដាប់អាវុធ ដែលនៅសល់។
បញ្ហាចម្រូងចម្រាសបំផុតមួយ នៅក្នុង NDAA ដែលផ្តោតលើការធានារ៉ាប់រងសុខភាពសម្រាប់សមាជិកនៃយោធា និងកូនរបស់ពួកគេ ដែលជាអ្នកទទួលការព្យាបាល វេជ្ជសាស្រ្តដែលបញ្ជាក់ពីយេនឌ័រ។ ច្បាប់បច្ចុប្បន្ន ដែលជាការសម្របសម្រួលរវាងសមាជិកសភាសាធារណៈរដ្ឋ និងគណបក្សប្រជាធិបតេយ្យ នឹងហាមឃាត់ TRICARE ដែលជាកម្មវិធីថែទាំសុខភាព របស់មន្ទីរបញ្ចកោណ ពីការគ្របដណ្តប់លើកុមារកែភេទនៃសមាជិកសេវាកម្ម៕
ប្រែសម្រួល ឈូក បូរ៉ា
