បរទេស៖យោងតាមការចេញផ្សាយរបស់ RT កំពូលមហាសេដ្ឋីលោក Elon Musk បានបញ្ជាក់ថា លោកហ៊ានផ្តល់ជូនលុយក្នុងចំនួនទៅដល់១ ពាន់លានដុល្លារសម្រាប់វេបសាយ Wikipedia ដើម្បីប្តូរឈ្មោះទៅជា “Dickipedia” ។
រំលឹកដែរថាដំបូងឡើយ ម្ចាស់បណ្តាញសង្គម X បានធ្វើសំណើនេះ ចំពេលមានការចោទប្រកាន់ថា សព្វវចនាធិប្បាយ Wikipedia នេះមានភាពលំអៀងផ្នែកខាងឆ្វេងនិងបង្កប់អត្ថន័យផ្សេង។
កាលពីថ្ងៃអង្គារ អ្នកប្រើប្រាស់បណ្តាញសង្គម X ម្នាក់បានរំលឹកការផ្តល់ជូនរបស់ Musk ដែលមហាសេដ្ឋីបានឆ្លើយតបថា វាគឺជាពិតហើយ ការផ្តល់ជូននៅតែមាននិងអាចចរចាគ្នាបាននៅឡើយ។
កាលពីដើមឆ្នាំនេះ លោក Musk បានអះអាងថា Wikipedia បានខូចនិងបានជំរុញឱ្យមានការជួសជុល Wikipedia ចំពេលមានការចោទប្រកាន់ថា គេហទំព័រនេះអនុញ្ញាតឱ្យអត្ថបទដែលដាក់ស្លាកគណបក្សសាធារណរដ្ឋ និងប្រធានាធិបតីជាប់ឆ្នោតអាមេរិក Donald Trump ថាជាក្រុមហ្វាស៊ីសនិយម។
មិនត្រឹមតែប៉ុណ្ណោះ Wikipedia ក៏បានផ្សព្វផ្សាយការនិទានរឿងឆ្វេងនិយមផ្សេងទៀត ខណៈពេលកំពុងបន្តធ្វើរឿងនេះ និងបង្ហាញព័ត៌មានជាច្រើនទៀតអំពីសិទ្ធិនយោបាយក្នុងរួបភាពជាអវិជ្ជមាន។ លោកបានអះអាងថា សព្វវចនាធិប្បាយនេះត្រូវបានគ្រប់គ្រងដោយសកម្មជនឆ្វេងនិយម ហើយបានជំរុញនិងអ្នកគាំទ្រទាំងឡាយគួរតែបញ្ឈប់ការបរិច្ចាគលុយទៅឲ្យប្រព័ន្ធផ្សព្វផ្សាយនេះទៀតទៅ៕
ប្រែសម្រួល៖ស៊ុនលី
