បរទេស ៖ យោងតាមការចេញផ្សាយរបស់ RT កាលពីឆ្នាំ២០២៤កន្លងទៅនេះ គេមើលឃើញ មានការកើនឡើងមិនធ្លាប់មានពីមុន នៃទ្រព្យសម្បត្តិ របស់បុគ្គលមានបំផុត ក្នុងពិភពលោក។
ប្រភពដែលចេញផ្សាយ ដោយកាសែត Bloombergនៅក្នុងរបាយការណ៍ Billionaires Index ទ្រព្យសម្បត្តិសរុប នៃអ្នករកប្រាក់ចំណូល កំពូលទាំង៥០០នាក់ របស់ពិភពលោក បានឈានដល់១០ទ្រីលានដុល្លារ ជាលើកដំបូងនៅលើកំណត់ត្រា ក្នុងឆ្នាំ២០២៤នេះ ។
បើគិតជាតម្លៃសរុប នៃទ្រព្យសម្បត្តិ ដែលតាមដានដោយរបាយការណ៍ នោះមានចំនួន៩,៨ទ្រីលានដុល្លារ គិតត្រឹមថ្ងៃ៣០ខែធ្នូ ដោយធ្លាក់ចុះបន្តិចពីថ្ងៃទី១១ ខែធ្នូដែលមានចំនួន១០.១ទ្រីលានដុល្លារ។
ដោយឡែកបើយោង តាមទិន្នន័យពីធនាគារពិភពលោក តួលេខទ្រព្យសម្បត្តិនេះ មានទំហំប្រហាក់ប្រហែលនឹង GDP រួមបញ្ចូលគ្នារវាងប្រទេសអាល្លឺម៉ង់ ជប៉ុន និងអូស្ត្រាលី ។
យោងតាមរបាយការណ៍ដដែលបានបង្ហាញដែរ ការកើនឡើងដ៏គួរឲ្យកត់សម្គាល់បំផុត បានមកពីមហាសេដ្ឋីបច្ចេកវិទ្យាដែលរួមមាន Elon Muskម្ចាស់ក្រុមហ៊ុន Tesla លោក Mark Zuckerberម្ចាស់ក្រុមហ៊ុន Facebook និង Jensen Huangម្ចាស់ក្រុមហ៊ុន Nvidia៕
ប្រែសម្រួល៖ស៊ុនលី
