ទីក្រុងបាងកក ៖ នេះបើតាមទីភ្នាក់ងារអភិវឌ្ឍន៍បច្ចេកវិជ្ជាអវកាស និងភូមិសាស្ត្រព័ត៌មានវិទ្យា (GISTDA)បានឲ្យដឹងថា ទីក្រុងបាងកកបានជួបប្រទះកម្រិត បំពុលខ្យល់ខ្ពស់បំផុត ក្នុងប្រទេសថៃកាលពីថ្ងៃអង្គារ ដោយកំហាប់ធូលីល្អ (PM2.5) ឈានដល់កម្រិតគ្រោះថ្នាក់នៅទូទាំង ៥០ ស្រុកនៃរដ្ឋធានីមួយនេះ យោងតាមការចេញផ្សាយពីគេហទំព័រ VN Express ។
នេះបើយោង តាមទីភ្នាក់ងារអភិវឌ្ឍន៍ បច្ចេកវិទ្យាអវកាស និងព័ត៌មានវិទ្យា (Gistda)ថា បាងកកបានឈរ ជាទីក្រុងតែមួយគត់ ដែលគ្របដណ្តប់ដោយកម្រិត នៃការបំពុលធូលីល្អិតល្អន់មានលេខកូដក្រហម គឺមានគ្រោះថ្នាក់យ៉ាងធ្ងន់ធ្ងរក្នុងចំណោមខេត្តចំនួន ៦៣ ដែលប្រយុទ្ធប្រឆាំងនឹងផ្សែងអ័ព្ទដ៏ក្រាស់កាលពីព្រឹកថ្ងៃអង្គារ។
នៅម៉ោង ១០ ព្រឹកថ្ងៃដដែល កម្រិត PM2.5 នៅទីក្រុងបាងកកជាមធ្យម ៨៨.៦ µg/cu.m ក្នុងរយៈពេល២៤ ម៉ោង ច្រើនជាងទ្វេដងនៃដែនកំណត់សុវត្ថិភាពរបស់រដ្ឋាភិបាល គឺ ៣៧.៥ µg/cu.m ។ ស្រុក Bang Kho Laem ដែលរងផលប៉ះពាល់ខ្លាំងបំផុត កត់ត្រាកម្រិត ៩៦.៧ µg/cu.m. ។
ខេត្តជុំវិញទីក្រុងនេះរួមមានខេត្ត Nonthaburi, Samut Prakan, Samut Sakhon និង Pathum Thani ក៏បានរាយការណ៍អំពីកម្រិត “ក្រហម” នៃ PM2.5 ដ៏គ្រោះថ្នាក់ ដោយមានការប្រមូលផ្តុំចាប់ពី ៧៩.១ ដល់ ៨៣.៦ µg/cu.m ។
ផ្ទុយទៅវិញ ខេត្តចំនួន ១៦ រួមទាំងខេត្តឈៀងម៉ៃ នៅភាគខាងជើង និងខេត្តភាគខាងត្បូងមួយចំនួនដូចជា ក្រប៊ី ភូកេត និងសុងក្លាបានរាយការណ៍ថា មានសុវត្ថិភាពកម្រិត PM2.5 ចន្លោះពី ២៤ ទៅ ៣៧.៣ µg/cu.m ។ Krabi បានកត់ត្រាគុណភាពខ្យល់ល្អបំផុត របស់ប្រទេស។
ខេត្តមួយចំនួនទៀតបានកត់ត្រាកម្រិត PM2.5 ក្នុងកម្រិត “ពណ៌ទឹកក្រូច” ចន្លោះពី ៣៧.៧ ទៅ ៧៤.៨ µg/cu.m ដែលគុណភាពខ្យល់ចាប់ផ្តើមបង្ក ហានិភ័យដល់សុខភាព ។ អាជ្ញាធរបន្តតាមដាន និងដោះស្រាយការបំពុល ដែលបង្កក្តីបារម្ភដល់សុខភាព យ៉ាងធ្ងន់ធ្ងរដល់ប្រជាពលរដ្ឋ និងភ្ញៀវទេសចរ៕
