វៀតណាម ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា រលកត្រជាក់ថ្មីមួយនឹង បោកបក់ពាសពេញភាគខាងជើ ងប្រទេសវៀតណាម ចាប់ពីថ្ងៃព្រហស្បតិ៍ ដោយនាំសីតុណ្ហភាពនៅតំបន់ទំនាបក្រោម ១០ អង្សាសេ និងធ្លាក់តំបន់ភ្នំចុះក្រោម២អង្សា ។
មជ្ឈមណ្ឌលជាតិសម្រាប់ការព្យាករណ៍ ធនធានជលសាស្ត្របានរាយការណ៍ថា ផ្នែកខាងមុខត្រជាក់នឹងប៉ះពាល់ ដល់ផ្នែកខាងកើតនៃភាគខាងជើង នៃប្រទេសវៀតណាម មុនពេលរីករាលដាល ដល់តំបន់ទំនាប និងតំបន់ភាគខាងលិច។ សីតុណ្ហភាពត្រូវបានគេរំពឹងថានឹងធ្លាក់ចុះដល់១០-១៣អង្សាសេនៅតំបន់ទំនាប និងទាបបំផុត៥-៩អង្សានៅតំបន់ភ្នំ។
AccuWeather ជាសេវាកម្មអាកាសធាតុនៅអាមេរិក បានព្យាករណ៍ថា សីតុណ្ហភាពពេលថ្ងៃនៅទីក្រុងហាណូយ នឹងធ្លាក់ចុះប្រហែល ៤ ដឺក្រេឆ្ពោះទៅចុងសប្តាហ៍ ជាមួយនឹងកម្រិតទាប នៅពេលយប់ធ្លាក់ចុះ ៧ អង្សារ។ ទីតាំងដែលមានកម្ពស់ខ្ពស់ដូចជា Sa Pa ក្នុងខេត្ត Lao Cai អាចមានសីតុណ្ហភាពចន្លោះពី ២-៧ ដឺក្រេនៅថ្ងៃសៅរ៍ ដែលធ្វើឲ្យវាក្លាយជាថ្ងៃត្រជាក់បំផុត។
វៀតណាមកណ្តាលក៏ត្រូវបានគេរំពឹងថា នឹងទទួលឥទ្ធិពល នៃរលកត្រជាក់ធ្វើឲ្យសីតុណ្ហភាពចន្លោះពី ១០-១៨ អង្សាសេ។ ក្រសួងកសិកម្ម និងអភិវឌ្ឍន៍ជនបទ បានជំរុញឲ្យអាជ្ញាធរ នៅតំបន់ភ្នំភាគខាងជើង អនុវត្តវិធានការកាត់បន្ថយ ឥទ្ធិពលនៃជំងឺផ្តាសាយ និងណែនាំប្រជាពលរដ្ឋឲ្យការពារសុខភាព។
ចាប់តាំងពីខែធ្នូមក ភាគខាងជើង និងកណ្តាលវៀតណាម បានជួបប្រទះរលកត្រជាក់ចំនួន៣ មួយក្នុងចំណោមនោះ សីតុណ្ហភាពនៅតំបន់ Mau Son ខេត្ត Lang Son បានធ្លាក់ចុះដល់កម្រិតទាបរហូតដល់ ៣ អង្សាសេ។ អ្នកឧតុនិយមបានព្រមានថា រលកត្រជាក់ទំនងជាកាន់តែញឹកញាប់ និងខ្លាំងក្នុងខែនេះ៕
