វ៉ាស៊ីនតោន៖ កាលពីថ្ងៃព្រហស្បតិ៍ លោក ដូណាល់ ត្រាំ ប្រធានាធិបតីជាប់ឆ្នោតសហរដ្ឋអាមេរិក បានថ្លែងថា លោក វ្ល៉ាឌីមៀ ពូទីន ប្រធានាធិបតីរុស្ស៊ី ចង់ជួបគាត់ ហើយបានលើកឡើងថា កិច្ចប្រជុំបែបនេះកំពុងត្រូវបានរៀបចំឡើង ។
“គាត់ចង់ជួប ហើយយើងកំពុងរៀបចំជំនួបនេះ” លោក ត្រាំ បានថ្លែងអំពីមេដឹកនាំរុស្ស៊ី ដូច្នេះនៅមុនពេលកិច្ចប្រជុំជាមួយអភិបាលនៃគណបក្សសាធារណរដ្ឋនៅឯទីតាំងអចលនទ្រព្យ Mar-a-Lago របស់គាត់នៅ Palm Beach រដ្ឋផ្លរីដា តែលោកមិនបានកំណត់ពេលវេលាសម្រាប់កិច្ចប្រជុំនេះនោះទេ ។
“ប្រធានាធិបតី លោក ពូទីន ចង់ជួប ហើយគាត់បានថ្លែងយ៉ាងដូច្នេះថា សូម្បីតែជាសាធារណៈ ហើយយើងត្រូវតែបញ្ចប់សង្គ្រាមនោះ ។ នោះជាភាពវឹកវរដែលបានបង្ហូរឈាមគ្នា” ប្រធានាធិបតីជាប់ឆ្នោតរូបនេះបានថ្លែងដោយសំដៅទៅលើជម្លោះរវាងរុស្ស៊ី និងអ៊ុយក្រែន ៕
ប្រែសម្រួលដោយ៖ ម៉ៅ បុប្ផាមករា
