ចិន៖ អង្គការឃ្លាំមើលអំពើពុករលួយកំពូល របស់ប្រទេសចិនបាននិយាយកាលពីថ្ងៃសុក្រថា ខ្លួនបានដាក់ពាក្យបណ្ដឹងវិន័យជាង ៤,០០០ ករណីប្រឆាំងនឹងមន្ត្រីក្នុងឆ្នាំ ២០២៤ ខណៈខ្លួនព្យាយាមដោះស្រាយបញ្ហាពុករលួយដ៏រ៉ាំរ៉ៃមួយនេះយោងតាមការចេញផ្សាយពីគេហទំព័រ VN Express ។
ប្រធានាធិបតីចិនលោក Xi Jinping បាននិយាយកាលពីថ្ងៃចន្ទនៅពេលចាប់ផ្តើមសមាជរយៈពេលបីថ្ងៃនៃគណៈកម្មាធិការកណ្តាលសម្រាប់ការត្រួតពិនិត្យវិន័យ (CCDI) ថា អំពើពុករលួយគឺជាការគំរាមកំហែងដ៏ធំបំផុតចំពោះបក្សកុម្មុយនិស្តចិន ហើយកំពុងកើនឡើង ។ ប្រទេសចិនត្រូវបានរញ្ជួយកាលពីឆ្នាំមុន ដោយការស៊ើបអង្កេតអំពើពុករលួយដ៏ល្បីឈ្មោះ រួមបញ្ចូលទាំងអភិបាលរងធនាគារកណ្តាល និងអតីតប្រធានក្រុមហ៊ុនប្រេងនិងឧស្ម័នដ៏ធំបំផុតរបស់ខ្លួន។
ចិនបាននិយាយក្នុងសេចក្តីថ្លែងការណ៍មួយថា CCDI បានដាក់សំណុំរឿងប្រឆាំងនឹងមន្ត្រីថ្នាក់ខេត្ត និងថ្នាក់ក្រសួងចំនួន ៧៣ និងមន្ត្រីថ្នាក់មន្ទីរ និងការិយាល័យចំនួន ៤,៣៤៨ ក្នុងឆ្នាំ ២០២៤ ។ មនុស្សសរុបចំនួន ៨៨៩,000 នាក់ត្រូវបានផ្តន្ទាទោស រួមទាំង ៦៨០,000 សម្រាប់ការមិនគោរពវិន័យរបស់បក្សកុម្មុយនិស្ត និង ២៧០,000 នាក់សម្រាប់អ្វីដែលខ្លួនបាននិយាយថា ទណ្ឌកម្មរដ្ឋបាល ៕
