យោងតាមគេហទំព័រ National Geographic បានឲ្យដឹងថា ត្រីដូហ្វីន ច្រមុះមូល ពណ៌ផ្កាឈូកស្រាល កំពុងតែកក្រើក នៅក្នុងបណ្តាញព័ត៌មាន សង្គមនៅក្នុងសប្តាហ៍នេះ ។
ត្រីដូហ្វីនដ៏គួរឲ្យស្រលាញ់នេះ ត្រូវបានក្រុមនាវាចរណ៍ប្រទះឃើញនៅទន្លេ Calcasieur របស់សហរដ្ឋអាមេរិក នៅក្នុងឆ្នាំ២០០៧។ ក្រោយមកត្រីប្រភេទនេះត្រូវបាន អ្នកវិទ្យាសាស្រ្តយកមកសិក្សាអំពីហ្សែនរបស់វា ដោយបានរកឃើញថា ពណ៌សម្បុររបស់វាត្រូវបានផ្លាស់ប្តូរទៅតាមរដូវ និង បរិស្ថាននៅជុំវិញខ្លួនវា។
ជាមួយគ្នានេះដែរ អ្នកវិទ្យាសាស្រ្តបាននិយាយថាទៀតថា ដូហ្វីនច្រមុះមូលនេះ មានភ្នែកពណ៌ក្រហម និងស្បែកពណ៌ផ្កាឈូកស្រាលដូចជាសត្វជ្រូក ដែលត្រីប្រភេទនេះ ត្រូវបានគេចាត់ទុកថា ជាប្រភេទត្រីដ៏កម្រនឹងបានឃើញ ដោយវាបានបង្ហាញខ្លូនសារជាថ្មីនៅទន្លេ Calcasieur ម្តងទៀតនៅក្នុងសប្តាហ៍នេះ ។
ដោយ៖ ហង្ស សុបញ្ញា
