តូក្យូ ៖ ប្រភពជិតស្និទ្ធនឹងបញ្ហានេះបាននិយាយ កាលពីថ្ងៃសុក្រ បាននិយាយថា ក្រុមហ៊ុន Mitsubishi Motors Corp កំពុងពិចារណា មិនចូលរួមក្នុងការរួមបញ្ចូលគ្នា ដែលបានគ្រោង ទុករវាងក្រុមហ៊ុន Nissan Motor Co និងក្រុមហ៊ុន Honda Motor Co ហើយជំនួសឲ្យការផ្តោត លើការពង្រឹង កិច្ចសហប្រតិបត្តិការជាមួយក្រុមហ៊ុនធំៗ ទាំង២នេះ យោងតាមការចេញផ្សាយពីគេហទំព័រ Japan Today ។
ការអភិវឌ្ឍន៍នេះឆ្លុះបញ្ចាំងពីការ ភ័យខ្លាចរបស់ក្រុមហ៊ុន Mitsubishi Motors ក្នុងការបាត់បង់ការគ្រប់គ្រង ប្រសិនបើខ្លួនចូលរួមជាមួយការ ច្របាច់បញ្ចូលគ្នារវាង Nissan-Honda ក្រោមក្រុមហ៊ុនកាន់កាប់ ។ ក្រុមហ៊ុនដែលមានមូលដ្ឋាននៅទីក្រុងតូក្យូជាដៃគូរបស់ក្រុមហ៊ុន Nissan ហើយមានភាពរឹងមាំនៅលើទីផ្សារ អាស៊ីអាគ្នេយ៍ ដូចជាប្រទេសឥណ្ឌូនេស៊ី និងហ្វីលីពីន។
ការសង្ស័យលើឥទ្ធិពលរួម នៃការរួមបញ្ចូលគ្នារវាងក្រុមហ៊ុន Honda ក្រុមហ៊ុន Nissan និងក្រុមហ៊ុន Mitsubishi Motors នៅតែបន្តកើតមាន នៅពេលការប្រកួតប្រជែង ក្នុងឧស្សាហកម្មរថយន្តផ្លាស់ប្តូរឆ្ពោះទៅរកការអភិវឌ្ឍន៍យានយន្តអគ្គិសនី និងផ្នែកទន់ ជាតំបន់ដែលក្រុមហ៊ុន ផលិតរថយន្តទាំងបីតស៊ូ ។ ក្រុមហ៊ុនផលិតរថយន្តនៅទីក្រុងតូក្យូ បាននិយាយក្នុងសេចក្តីថ្លែងការណ៍មួយកាលពីថ្ងៃសុក្រថា ដំណាក់កាលនេះ យើងកំពុងពិចារណាពីលទ្ធភាពផ្សេងៗ ហើយយើងមិនទាន់ បានសម្រេចចិត្តលើទិសដៅ (ជាក់លាក់)” នោះទេ។
Honda និងNissan ជាក្រុមហ៊ុន ផលិតរថយន្តធំទី២ និងទី៣ របស់ប្រទេសជប៉ុន បានប្រកាសកាលពីចុងឆ្នាំមុនថា ពួកគេនឹងចាប់ផ្តើមការចរចា ដើម្បីបញ្ចូលគ្នានៅក្រោមក្រុមហ៊ុនកាន់កាប់នៅឆ្នាំ ២០២៦ នឹងបង្កើតក្រុមរថយន្តធំជាងគេទីបី របស់ពិភពលោក តាមបរិមាណដើម្បីប្រកួតប្រជែង ជាមួយអាមេរិក និងចិន។ ក្រុមហ៊ុនផលិតរថយន្តអគ្គិសនី ។
ពួកគេបាននិយាយនៅពេលនោះថា ក្រុមហ៊ុន Mitsubishi Motors នឹងសម្រេចចិត្តនៅចុងខែមករាថាតើត្រូវចូលរួមក្នុងការរួមបញ្ចូលគ្នានេះឬអត់។ ការលក់រួមបញ្ចូលគ្នារបស់ក្រុមហ៊ុន Honda, Nissan និង Mitsubishi Motors បានកើនឡើងដល់ ៨ លានគ្រឿងក្នុងឆ្នាំ ២០២៣ ធៀបនឹងរថយន្ត ១១.២៣ លានគ្រឿងរបស់ក្រុមហ៊ុន Toyota Motor Corp. និង ៩.២៤ លានរបស់ក្រុមហ៊ុន Volkswagen AG៕
