បុរសជនជាតិជប៉ុន ធ្វើដំណ្តើរចម្ងាយ ៦.០០០គីឡូម៉ែត្រ ដោយអូសរទេះ ពីកេនយ៉ាទៅអាហ្វ្រិក

ទីក្រុង Cape Town ៖ យោងតាមការចេញផ្សាយពីគេហទំព័រ Japan Today បានប្រាប់ឲ្យដឹងថា បុរសជនជាតិជប៉ុនអាយុ ៣៤ ឆ្នាំម្នាក់កាលពីថ្ងៃអាទិត្យ បានមកដល់ទីក្រុង Cape Town ដើម្បីបញ្ចប់ការធ្វើដំណើរ ចម្ងាយជាង ៦,000 គីឡូម៉ែត្រ ពីប្រទេសកេនយ៉ា ទៅកាន់អាហ្វ្រិកខាងត្បូង ដោយថ្មើរជើង ខណៈលោកពេលកំពុងអូសរទេះ។

លោក Yuji “Gump” Suzuki មានអារម្មណ៍ រំជួលចិត្ត ខណៈលោកបាន អរគុណអ្នកគាំទ្រ របស់លោកសម្រាប់ការគាំទ្រ របស់ពួកគេ ក្នុងអំឡុងពេលដំណើរស្វែង រកចុងក្រោយ របស់លោកដែលបានចាប់ផ្តើម ក្នុងរដ្ឋធានីរបស់ប្រទេស កេនយ៉ាកាលខែកក្កដា ហើយបាននាំលោកឆ្លង កាត់ប្រទេសតង់ហ្សានី ហ្សាំប៊ី បូតស្វាណា និងណាមីប៊ី។

លោក Suzuki បាននិយាយថា “ខ្ញុំមិនអាចធ្វើវា ដោយគ្មានអ្នកទេ” “ខ្ញុំកំពុងរត់លេងសប្បាយ ។ ខ្ញុំបានធ្វើដំណើរ អស់រយៈពេល ៩ ឆ្នាំហើយ ហើយខ្ញុំទទួលបានថាមពលពីអ្នក ដូច្នេះខ្ញុំក៏ផ្តល់ថាមពលឲ្យអ្នកផងដែរ។ នោះហើយជាជីវិតរបស់ខ្ញុំ” ។

នេះបើយោងតាមគេហទំព័ររបស់លោកបាននិយាយថា ក្នុងចំណោមការធ្វើដំណើរផ្សេងទៀតរបស់លោក លោក Suzuki បានទាញរទេះកង់ ២ របស់លោករួចហើយពីប្រទេសចិនទៅឥណ្ឌា (២០១៦ -២០១៧) មានចម្ងាយ ២,៥០០ គីឡូម៉ែត្រនៅអឺរ៉ុប (២០១៧) និង៥,១០០ គីឡូម៉ែត្រ ឆ្លងកាត់សហរដ្ឋអាមេរិក (២០២២-២០២៣) ។

រទេះកង់ ២ របស់លោក មានទម្ងន់ជាង ១០០ គីឡូក្រាម ។ លោក Suzuki ពាក់ស្រោមជើង Tabi ប្រពៃណីរបស់ ប្រទេសជប៉ុន ខណៈដែលលោកកំពុងធ្វើដំណើរ ដោយលោកបានបង្ហោះ នៅលើបណ្តាញសង្គម៕