ហ្សឺណែវ ៖ ទីភ្នាក់ងារជំងឺអេដស៍ របស់អង្គការសហប្រជាជាតិ “UN” បាននិយាយថា មនុស្សជាង ៦ លាននាក់អាចនឹងស្លាប់ ដោយសារមេរោគអេដស៍ និងជំងឺអេដស៍ក្នុងរយៈពេល ៤ ឆ្នាំខាងមុខនេះ ប្រសិនបើរដ្ឋបាល របស់ប្រធានាធិបតី អាមេរិក លោក Donald Trump ទាញយកមូលនិធិសកល របស់ខ្លួនសម្រាប់កម្មវិធី យោងតាមការចេញផ្សាយ ពីគេហទំព័រ Japan Today ។
នាយករងនៃ UNAIDS បានប្រាប់អ្នកយកព័ត៌មាន នៅទីក្រុងហ្សឺណែវបានប្រាប់ឲ្យដឹងថា ទោះបីជាការលើកលែងត្រូវបានដាក់លើកម្មវិធី HIV/AIDS ក្នុងការបង្កកមូលនិធិជំនួយបរទេសកាលពីខែមុនក៏ដោយ ក៏ការព្រួយបារម្ភជាច្រើននៅតែមានអំពីអនាគត នៃកម្មវិធីព្យាបាល។ លោកស្រី Christine Stegling បានបន្តថា មានការភ័ន្តច្រឡំ ជាច្រើនជាពិសេស នៅកម្រិតសហគមន៍ របៀបការលើកលែងនឹងត្រូវបានអនុវត្ត។ យើងឃើញមានការរំខានជាច្រើន នៃការផ្តល់សេវាព្យាបាល ។
លោក Trump បានដាក់ការបរិច្ចាគជំនួយបរទេស ដែលមានតម្លៃរាប់រយលានដុល្លារក្នុងរយៈពេល ៩០ ថ្ងៃ បន្ទាប់ពីការចូលកាន់តំណែងនៅថ្ងៃទី ២០ ខែមករា។ នៅថ្ងៃបន្ទាប់ ក្រសួងការបរទេសអាមេរិក បានចេញការលើកលែងចំពោះផែនការសង្គ្រោះបន្ទាន់ របស់ប្រធានាធិបតីសម្រាប់ជំងឺអេដស៍ (PEPFAR) ជាគំនិតផ្តួចផ្តើមអេដស៍ឈានមុខគេ របស់ពិភពលោកសម្រាប់ជំនួយមនុស្សធម៌ សង្គ្រោះអាយុជីវិត។
ចំពេលមានការថយចុះ នៃមូលនិធិកាន់តែទូលំទូលាយ លោកស្រី Stegling បានព្រមានថានឹងមានការកើន ឡើង ៤០០ភាគរយ នៃការស្លាប់ ដោយសារជំងឺអេដស៍ ប្រសិនបើការគាំទ្រផ្នែកហិរញ្ញវត្ថុរបស់ PEPFAR មិនត្រូវបានអនុញ្ញាតឡើងវិញ នៅចន្លោះឆ្នាំ ២០២៥ និងឆ្នាំ ២០២៩ ។ លោកស្រី Stegling បានបន្ថែមថា ប្រទេសអេត្យូពី យើងមានកិច្ចសន្យា បុគ្គលិកសុខាភិបាល សាធារណៈចំនួន ៥,០០០ នាក់ ត្រូវបានផ្តល់មូលនិធិ ដោយជំនួយរបស់អាមេរិក ហើយទាំងអស់នេះត្រូវបានបញ្ចប់។
លោកស្រីបានគូសបញ្ជាក់ថា គ្លីនិកសហគមន៍ កំពុងប្រឈមមុខនឹងការរំខានដ៏ធំបំផុត ដោយសារតែពួកគេពឹងផ្អែកទាំងស្រុង លើការផ្តល់មូលនិធិរបស់រដ្ឋាភិបាលអាមេរិក ។ លោកស្រីបានសម្ដែងការព្រួយបារម្ភថា មនុស្សមួយចំនួនប្រហែលជាមិនមកព្យាបាល ដែលអាចបង្កើនការឆ្លងមេរោគអេដស៍ថ្មី ។
ការបរិច្ចាករបស់អាមេរិក មានចំនួនភាគច្រើន នៃមូលនិធិសកលសម្រាប់កម្មវិធីអង្គការសហប្រជាជាតិ ដែលដំណើរការ ក្នុងប្រទេសចំនួន ៧០ ដែលដឹកនាំកិច្ចខិតខំប្រឹងប្រែងជាសកលដើម្បីបញ្ចប់ជំងឺអេដស៍ ដែលជាការគំរាមកំហែង សុខភាពសាធារណៈនៅឆ្នាំ ២០៣០៕
