ឧស្សាហកម្មផលិត បន្ទះឈីប របស់កូរ៉េខាងត្បូង ប្រឈមនឹងវិបត្តិ ខណៈសិស្សឆ្នើមជ្រើស រើសសាលាពេទ្យវិញ

កូរ៉េខាងត្បូង ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ឧស្សាហកម្មផលិតបន្ទះឈីប របស់កូរ៉េខាងត្បូងប្រឈមមុខនឹងការ ខ្វះខាតទេពកោសល្យ ដោយសារសិស្សកំពូលៗ ជ្រើសរើសសាលា វេជ្ជសាស្ត្រលើ ផ្នែកវិស្វកម្ម ដែលបង្កឲ្យមានការព្រួយ បារម្ភអំពីការប្រកួតប្រជែង របស់ប្រទេសនេះក្នុងវិស័យ បញ្ញាសិប្បនិមិត្ត និងការបង្កើតបន្ទះឈីប។

នេះបើយោងតាម The Korea Herald បាននិយាយថា ទោះបីជាមាននិរន្តរភាពការងារនៅក្រុមហ៊ុនធំៗដូចជា Samsung Electronics និង SK hynix ក៏ដោយ ក៏អត្រានៃការដកប្រាក់ចូលរៀន សម្រាប់នាយកដ្ឋានផលិតបន្ទះឈីប កំពូលបានកើនឡើងដល់ ១៧៩ភាគរយកាលឆ្នាំ២០២៤។

ក្រសួងពាណិជ្ជកម្ម ឧស្សាហកម្ម និងថាមពលបានប៉ាន់ប្រមាណថា នឹងមានការខ្វះខាតវិស្វករបន្ទះឈីបចំនួន ៥៦,០០០ នាក់នៅឆ្នាំ ២០៣១ ។ អ្នកជំនាញព្រមានថា កូរ៉េខាងត្បូងប្រថុយនឹងភាពយឺតយ៉ាវ នៅពីក្រោយគូប្រជែងសកលដូចជាចិន និងអាមេរិក ទាំងការវិនិយោគយ៉ាងច្រើននៅប្រព័ន្ធ AI និងការស្រាវជ្រាវបន្ទះឈីប ។

តំណាង Ahn Cheol-soo នៃគណបក្សអំណាចប្រជាជន កំពុងកាន់អំណាច និងអតីតគ្រូពេទ្យ និងជាស្ថាបនិកក្រុមហ៊ុន សន្តិសុខអ៊ីនធើណេតរបស់កូរ៉េខាងត្បូង AhnLab បានបញ្ជាក់ថា ចិនគ្រោងនឹងវិនិយោគ ១,៨០០ ពាន់ពាន់លានវ៉ុន (១.២៤ ពាន់លានដុល្លារសម្រាប់ប្រព័ន្ធ AI ក្នុងរយៈពេល ៥ ឆ្នាំខាងមុខរហូតដល់ឆ្នាំ ២០៣០ ។ អាមេរិកក៏កំពុងប្តេជ្ញាចិត្ត ៥០០ ពាន់លានដុល្លារក្រោមគម្រោង Stargate ។ ការវិនិយោគរបស់ប្រទេសកូរ៉េខាងត្បូងកាលពីឆ្នាំមុនមានចំនួនត្រឹមតែ ១.៨ ពាន់ពាន់លានវ៉ុនប៉ុណ្ណោះ៕