ចិន ៖ នេះបើតាមនាយកប្រតិបត្តិក្រុមហ៊ុន បច្ចេកវិទ្យាយក្សអាមេរិក Apple លោក Tim Cook បាននិយាយ កាលពីថ្ងៃអង្គារក្នុងបទ សម្ភាសន៍ជាមួយ China Daily ទីក្រុងប៉េកាំង បាននិយាយថា ភាពច្នៃប្រឌិតរបស់អ្នក បង្កើតកម្មវិធីរបស់ចិន គឺ “គ្មានពីរ” ហើយកម្មវិធីទូរស័ព្ទចិន ជាច្រើនទៀតនឹង ទទួលបានជោគជ័យ ជាសកលជាមួយនឹងឥទ្ធិពល អន្តរជាតិកាន់តែខ្លាំង។
អ្នកជំនាញបាននិយាយថា ការសរសើររបស់លោក Cook បានគូសបញ្ជាក់ថា ប្រទេសចិនមិនត្រឹមតែជាទីផ្សារដ៏ធំ និងជារោងចក្រផលិតគ្រឿង អេឡិចត្រូនិក របស់ក្រុមហ៊ុនបច្ចេកវិទ្យាយក្សអាមេរិក Apple ប៉ុណ្ណោះទេ ប៉ុន្តែក៏ជាប្រភពនៃការច្នៃ ប្រឌិតដ៏សំខាន់ សម្រាប់ប្រព័ន្ធអេកូសូហ្វវែរ របស់ក្រុមហ៊ុនផងដែរ។
ពួកគេបានបន្ថែមថា ជាមួយនឹងការកើនឡើងនៃចំនួនយុវជនដែលមានការអប់រំល្អ និងប្រកបដោយការច្នៃប្រឌិត ប្រទេសចិននឹងមានភាពទាក់ទាញកាន់តែខ្លាំងចំពោះក្រុមហ៊ុនបច្ចេកវិទ្យាយក្សពិភពលោកនាពេលអនាគត។
ក្នុងអំឡុងពេលសម្ភាសន៍ លោក Cook បាននិយាយថា ខ្ញុំទស្សន៍ទាយថា កម្មវិធីចិនកាន់តែច្រើននឹងពេញនិយមនៅបរទេស ពីព្រោះភាពច្នៃប្រឌិត របស់អ្នកអភិវឌ្ឍន៍ចិនមិនចាញ់អ្នកផ្សេងទេ ។ ខ្ញុំគ្រាន់តែឃើញភាពជោគជ័យ កាន់តែច្រើនចេញ ពីប្រទេសចិន។ លោកបានបន្តថា ឥទ្ធិពលសកលនៃកម្មវិធីរបស់ចិន កំពុងកើនឡើង ដោយ លោកបានបន្ថែមថា អ្នកបង្កើតកម្មវិធីក្នុងប្រទេសចិន មានចំណង់ចំណូលចិត្តដ៏ អស្ចារ្យដែលវាមិនគួរឲ្យជឿ។
លោក Pan Helin សមាជិក នៃគណៈកម្មាធិការអ្នកជំនាញនៃក្រសួងឧស្សាហកម្ម និងបច្ចេកវិទ្យាព័ត៌មាន សម្រាប់សេដ្ឋកិច្ចព័ត៌មាន និងសារគមនាគមន៍ បាននិយាយថា ក្រុមអ្នកអភិវឌ្ឍន៍របស់ចិន មិនថាតូចឬធំ កំពុងតែកំណត់ទស្សនៈរបស់ពួកគេនៅលើឆាកពិភពលោកសម្រាប់ឱកាសរីកចម្រើន។ លោក Pan បានបន្ថែមថា ចាប់ពីថ្ងៃដំបូង ពួកគេកំពុង កំណត់គោលដៅទីផ្សារពិភពលោក។ វាផ្ទុយពីអតីតកាល នៅពេលពួកគេមិនហ៊ាន រុករកទីផ្សារក្រៅប្រទេស រហូតដល់ពួកគេទទួលបានជោគជ័យក្នុងស្រុក ។
លោក Li Songlun នាយកប្រតិបត្តិនៃKuro Games ជាអ្នកបង្កើតហ្គេមរបស់ចិនបាននិយាយថា ហ្គេម Wuthering Waves របស់ខ្លួនបានទទួលការ ចាប់អារម្មណ៍យ៉ាងខ្លាំង ។ នៅពេលបើកដំណើរការជាផ្លូវការ ហ្គេមនេះបានឈរ នៅលើកំពូលតារាង ទាញយកនៅលើApple App Store ក្នុង១០៧ ប្រទេស និងតំបន់ជុំវិញពិភពលោក។
លោក Li បានបន្តថា ហ្គេមដ៏អស្ចារ្យ បានឆ្លងកាត់ព្រំដែន ហើយយើងនៅតែប្តេជ្ញាចិត្ត ក្នុងការផ្តល់នូវបទពិសោធន៍ លេងហ្គេមកាន់ តែប្រសើរឡើងដល់សហគមន៍ពិភពលោករបស់យើង។ កាលពីថ្ងៃចន្ទ ក្រុមហ៊ុន Apple បានប្រកាសពីមូល និធិវិនិយោគថ្មីមួយ ជាមួយនឹងការសន្យាចំនួន៩៩.២ លានដុល្លារ ដើម្បីពង្រីកផលិតកម្ម ថាមពលស្អាតនៅចិន ដោយពង្រឹងការប្តេជ្ញាចិត្ត របស់ខ្លួន ក្នុងការផ្លាស់ប្តូរខ្សែសង្វាក់ផ្គត់ផ្គង់ ពិភពលោករបស់ខ្លួន ទៅជា ថាមពលកកើតឡើងវិញ ១០០ ភាគរយនៅឆ្នាំ ២០២៣ ។
នេះបើយោងតាមក្រុមហ៊ុនថា ជាមួយនឹងការវិនិយោគរបស់Apple មូលនិធិថ្មីនេះមានគោលបំណងបន្ថែមថាមពលខ្យល់ និងថាមពលពន្លឺព្រះអាទិត្យប្រហែល ៥៥០,០០០ មេហ្គាវ៉ាត់ម៉ោងក្នុងមួយឆ្នាំទៅកាន់បណ្តាញថាមពលរបស់ប្រទេសចិន ជាតួលេខមួយដែលត្រូវបានគេរំពឹងថានឹងកើនឡើង នៅពេលវិនិយោគិនបន្ថែម៕
