អាមេរិក ៖ បុរសម្នាក់ភ្លាត់ស្នៀតធ្លាក់ស្លាប់ ក្រោយពីលោតឆ័ត្រយោងពីកម្ពស់ ២០០ម៉ែត្រ

បរទេស៖ បុរសម្នាក់បានស្លាប់នៅក្នុងរដ្ឋ Washington កាលពីថ្ងៃអាទិត្យ នៅពេលដែលគាត់បានលោតឆ័ត្រយោង ហើយបានធ្លាក់លើច្រាំងថ្មដែលចោទ បន្ទាប់ពីឆ័៍ត្រយោងរបស់គាត់មិនអាចបើកបានពេញលេញ។

យោងតាមសារព័ត៌មាន AP ចេញផ្សាយនៅថ្ងៃទី៣១ ខែមីនា ឆ្នាំ២០២៥ បានឱ្យដឹងថា ការិយាល័យតម្រួត Chelan County បាននិយាយថា បុរសអាយុ ៤៧ឆ្នាំមកពីទីក្រុង Entiat រដ្ឋ Washington បានស្លាប់ក្នុងអំឡុងពេលគ្រោះថ្នាក់BASE jumping កាលពីព្រឹកថ្ងៃអាទិត្យនៅផ្នែកកណ្តាលរបស់រដ្ឋ។

BASE jumping គឺជាសកម្មភាពដែលមានហានិភ័យខ្ពស់ដែលពាក់ព័ន្ធនឹងការលោតឆ័ត្រយោងពីចំណុចនឹង ដូចជាច្រាំងថ្មចោទ ស្ពាន ឬអគារ។

ការិយាល័យតម្រួតបាននិយាយថា ជនរងគ្រោះកំពុងលោតឆ័ត្រយោង ពេលលោតនោះ គឺឆ័ត្រយោងមិនគ្រលាស់បើក។ សាក្សីបាននិយាយថា គាត់បានធ្លាក់ទៅបុកនឹងច្រាំងថ្ម។ គាត់បានធ្លាក់ប្រហែលទីកម្ពស់ ២០០ ម៉ែត្រ ដល់ដី ហើយបានរងរបួសយ៉ាងធ្ងន់ធ្ងរ ហើយត្រូវបានគេប្រកាសថាស្លាប់នៅនឹងកន្លែងកើតហេតុ ។

សូមជម្រាបថា កាលពីឆ្នាំមុន ក៏មានបុរសម្នាក់បានស្លាប់ នៅឧទ្យានជាតិ Grand Canyon ក្នុងរដ្ឋ Arizona បន្ទាប់ពីព្យាយាមលោត BASE jump ដែលមានហានិភ័យខ្ពស់ពីទីតាំងដែលគេស្គាល់ថា Yavapai Point ៕

ប្រែសម្រួលៈ ណៃ តុលា