អេស្ប៉ាញ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា លោក Dani Alves អតីតខ្សែការពាររបស់ក្លឹប Barcelona នឹងត្រូវទទួលប្រាក់សំណងចំនួន ១១,០០០ អឺរ៉ូ ស្មើនឹង ១១,៩០០ ដុល្លារអាមេរិកសម្រាប់ការជាប់ពន្ធនាគារខុស បន្ទាប់ពីការផ្តន្ទាទោសពីបទរំលោភផ្លូវភេទរបស់លោកត្រូវបានលុបចោល។
លោកចៅក្រម Jose Antonio Vazquez Tain បាននិយាយនៅលើប៉ុស្តិ៍ទូរទស្សន៍ Telecinco ថា លោក Alves អាចស្នើសុំចំនួនទឹកប្រាក់ច្រើនជាងនោះ ប៉ុន្តែថា តើសំណើនោះត្រូវបានផ្តល់ជាបញ្ហាផ្សេងទៀតដែរឬទេ ។
មេធាវីរបស់លោក គឺលោក Ines Guardiola បានប្រាប់ RAC1 ថា វានៅតែមិនទាន់ច្បាស់ថា តើ លោក Alves នឹងបន្តសំណងខ្ពស់ជាងនេះទេ ប៉ុន្តែយើងដឹងថា ការកាត់ទោសនេះប្រហែលជាមិនមែនជាការចុងក្រោយ ខណៈយើងសប្បាយចិត្ត ហើយខ្ញុំជឿជាក់លើតុលាការ ខ្ញុំមិនអាចនិយាយអ្វីទៀតទេ។
យោងតាមច្បាប់របស់តុលាការអេស្ប៉ាញថា ចំនួនទឹកប្រាក់សំណងត្រូវបានគណនាជាធម្មតាប្រហែល ៣២.៤៦ដុល្លារក្នុងមួយថ្ងៃ ដោយផ្អែកលើចំនួនថ្ងៃដែលបានចំណាយក្នុងមន្ទីរឃុំឃាំង និងផលប៉ះពាល់លើបុគ្គល និងគ្រួសាររបស់ពួកគេ។
លោក Alves អាយុ ៤១ ឆ្នាំត្រូវបានចោទប្រកាន់ពីបទរំលោភផ្លូវភេទស្ត្រីអាយុ ២៣ឆ្នាំនៅក្លឹបរាត្រី Barcelona កាលពីថ្ងៃទី ៣០ ខែធ្នូ ឆ្នាំ ២០២២។ លោកត្រូវបានចាប់ខ្លួននៅថ្ងៃទី ២០ ខែមករា ឆ្នាំ ២០២៣ ហើយដំបូងឡើយត្រូវបានឃុំខ្លួននៅពន្ធនាគារ Brian 1 មុនពេលត្រូវបានផ្លាស់ទៅ Brian 2 ដែលឃុំឃាំងជនល្មើសផ្លូវភេទជាចម្បង។ នៅថ្ងៃទី ៣១ ខែកក្កដា ឆ្នាំ ២០២៣ ចៅក្រមបានចោទប្រកាន់ជាផ្លូវការពីបទរំលោភផ្លូវភេទ។
ខ្សែការពារស្តាំប្រេស៊ីលបានចំណាយពេលជិត ១៤ ខែក្នុងមន្ទីរឃុំឃាំងមុនពេលកាត់ទោសរបស់លោក។ នៅថ្ងៃទី២២ ខែកុម្ភៈ ឆ្នាំ២០២៤ តុលាការ Barcelona បានកាត់ទោសលោកឲ្យជាប់គុក ៤ ឆ្នាំ ៦ ខែ។ ទោះយ៉ាងណាក៏ដោយ លោកត្រូវបានដោះលែងនៅថ្ងៃទី ២៥ ខែមីនា ឆ្នាំ ២០២៥ បន្ទាប់ពីបានប្រកាសនៅក្រៅឃុំចំនួន ១.១លានដុល្លារ ខណៈកំពុងរង់ចាំសាលក្រមចុងក្រោយ៕
