ព័ត៌មានអន្តរជាតិ

យោធាចិន បើកសមយុទ្ធទ្រង់ទ្រាយធំ ជុំវិញកោះតៃវ៉ាន់ ដើម្បីព្រមានប្រឆាំង នឹងឯករាជ្យ ភាពរបស់កោះនេះ

xinhua

បរទេស៖ យោធាចិនបានប្រកាស សមយុទ្ធទ្រង់ទ្រាយធំ នៅក្នុងដែនទឹកជុំវិញកោះតៃវ៉ាន់ នៅថ្ងៃអង្គារ ខណៈដែលចិន គឺបានព្រមានកោះដែលគ្រប់គ្រង ដោយខ្លួនឯងមួយនេះ ប្រឆាំងនឹងការស្វែងរកឯករាជ្យ។

យោងតាមសារព័ត៌មាន AP ចេញផ្សាយនៅថ្ងៃទី១ ខែមេសា ឆ្នាំ២០២៥ បានឱ្យដឹងថា យោងតាមលោក Shi Yi អ្នកនាំពាក្យនៃបញ្ជាការភាគខាងកើត នៃកងទ័ពរំដោះប្រជាជនចិន បាននិយាយថា សមយុទ្ធរួមគ្នានេះពាក់ព័ន្ធ នឹងកងទ័ពជើងទឹក ជើងគោក អាកាស និងគ្រាប់រ៉ុក្កែត ហើយមានន័យថាជា “ការព្រមានយ៉ាងធ្ងន់ធ្ងរ និងការទប់ស្កាត់ដោយបង្ខំប្រឆាំងនឹង ឯករាជ្យភាពរបស់កោះតៃវ៉ាន់” ។

ប្រទេសចិនបានចាត់ទុកកោះតៃវ៉ាន់ជាផ្នែកនៃទឹកដីរបស់ខ្លួន ហើយដែលនឹងត្រូវដាក់ ឱ្យស្ថិតនៅក្រោមការគ្រប់គ្រង របស់ខ្លួនដោយកម្លាំង ប្រសិនបើចាំបាច់ ខណៈពេលដែលប្រជាជន កោះតៃវ៉ាន់ភាគច្រើនពេញ ចិត្តចំពោះឯករាជ្យភាព ជាក់ស្តែង និងឋានៈប្រជាធិបតេយ្យរបស់ពួកគេ ។

ក្រសួងការពារជាតិ របស់កោះតៃវ៉ាន់ បាននិយាយថា ខ្លួនបានតាមដាននាវា កងទ័ពជើងទឹកចិនចំនួន ១៩ គ្រឿងនៅក្នុង ដែនទឹកជុំវិញកោះនេះក្នុងរយៈពេល ២៤ ម៉ោង ចាប់ពីម៉ោង ៦ ព្រឹកថ្ងៃចន្ទ រហូតដល់ម៉ោង ៦ ព្រឹកថ្ងៃអង្គារ។

វាបានបន្ថែមថា ខ្លួនបានតាមដានចលនា របស់នាវាផ្ទុកយន្តហោះ Shandong តាំងពីថ្ងៃសៅរ៍ ហើយថា ក្រុមនាវាផ្ទុកយន្តហោះ បានចូលទៅក្នុងតំបន់ កំណត់អត្តសញ្ញាណ របស់កោះតៃវ៉ាន់ ដែលជាតំបន់កំណត់ដោយខ្លួនឯង តាមដានដោយយោធា ៕
ប្រែប្រួលៈ ណៃ តុលា

Most Popular

To Top