បរទេស ៖ យោងតាមការចេញផ្សាយរបស់ RT ប្រធានាធិបតីអាមេរិកលោក Donald Trump បាននិយាយថា លោកប្រាកដថា ទីក្រុងវ៉ាស៊ីនតោន នឹងកាន់កាប់ទឹកដី Greenland ហើយថាលោកបានអះអាងទៀតថា ពិតប្រាកដរួចទៅហើយ អំពីការបញ្ចូលទឹកដីស្វយ័ត របស់ដាណឺម៉ាកមួយនេះ មកឲ្យសហរដ្ឋអាមេរិក។
លោក Trump បានប្រាប់ទូរទស្សន៍ NBC របស់សហរដ្ឋអាមេរិក នៅក្នុងបទសម្ភាសន៍តាមទូរស័ព្ទកាលពីថ្ងៃសៅរ៍ថា យើងនឹងទទួលបាន Greenland ច្បាស់ណាសគឺ១០០ភាគរយ ។ លោកបានបញ្ជាក់ថាអាមេរិកមានលទ្ធភាពល្អដែលយើងអាចធ្វើវាបានដោយគ្មានកម្លាំងយោធា បន្ថែមថាលោកនឹងមិន ដកអ្វីដែលចង់បាននេះចេញពីតុនោះទេ។
យោងតាមប្រធានាធិបតីអាមេរិក ការបញ្ចូលGreelandគឺជាបញ្ហានៃ សន្តិភាពអន្តរជាតិ និង សន្តិសុខ អាមេរិក។ នៅពេលសួរថាតើការផ្លាស់ប្តូរនេះនឹងផ្ញើសារអ្វីទៅកាន់ពិភពលោកនោះ លោក Trump បានថ្លែងថា៖ ខ្ញុំពិតជាមិនគិតអំពីរឿងនោះទេ ខ្ញុំពិតជាមិនខ្វល់ទេ។
វីដេអូមួយដែលត្រូវបាន ចែករំលែកដោយលោក Trump កាលពីដើមសប្តាហ៍ នេះបានអះអាងថា ដែនកោះទឹកកកនេះ ត្រូវបានគំរាមកំហែង ដោយការឈ្លានពានរបស់រុស្ស៊ី និង ការពង្រីករបស់ចិន។
ឃ្លីបដដែលនោះបានបញ្ជាក់ទៀតថា ភាពជាដៃគូរវាង Greeland និងអាមេរិក មិនមែនគ្រាន់តែ ជាប្រវត្តិសាស្ត្រនោះទេ វាគឺជាវាសនា ។ ប្រធានាធិបតីរុស្ស៊ី លោក Vladimir Putin បាននិយាយ កាលពីថ្ងៃព្រហស្បតិ៍ថា រុស្ស៊ីមិនដែលគំរាម កំហែងនរណាម្នាក់ នៅក្នុងតំបន់អាកទិកនោះទេ ។
ប្រែសម្រួល៖ស៊ុនលី
